ലഖ്‌നൗ: ജന്മദിനാഘോഷത്തിന് ക്ഷണിച്ച ബ്യൂട്ടീഷ്യനെ കൂട്ടബലാത്സംഗത്തിനിരയാക്കി. പ്രയാഗ്‌രാജിലെ ബനിഗഞ്ച് സ്വദേശിനിയായ ഇരുപതുകാരിയെയാണ് സുഹൃത്തുക്കള്‍ ക്രൂരമായി പീഡിപ്പിച്ചത്. യുവതി പൊലീസില്‍ പരാതി നല്‍കി. 

ജന്മദിനാഘോഷത്തില്‍ പങ്കെടുക്കാന്‍ യുവതിയെ സുഹൃത്താണ് സുലേം സരായിലെ വീട്ടിലേക്ക് ക്ഷണിച്ചത്. ആഘോഷം നടക്കുന്ന സ്ഥലത്തെത്തിയ ഇവരെ സുഹൃത്തുക്കള്‍ മദ്യം കഴിപ്പിച്ച ശേഷം തന്നെ ലൈംഗികമായി പീഡിപ്പിച്ചതെന്നാണ് യുവതി പരാതി നല്‍കിയിരിക്കുന്നത്.

സംഭവത്തിന് പിന്നാലെ ധൂമംഗഞ്ച് പൊലീസ് സ്‌റ്റേഷനിലെത്തി യുവതി തന്നെയാണ് പരാതി നല്‍കിയത്. ഇവരുടെ പരാതിയുടെ അടിസ്ഥാനത്തില്‍ പ്രതികള്‍ക്കായി തെരച്ചില്‍ നടത്തിയതായി പൊലിസ് പറഞ്ഞു. എന്നാല്‍ കേസുമായി ബന്ധപ്പെട്ട് ഇതുവരെയും ആരെയും അറസ്റ്റ് ചെയ്തിട്ടില്ലെന്നാണ് റിപ്പോര്‍ട്ടുകള്‍