ന്യൂഡല്‍ഹി:  ജമ്മു കശ്മീരിലെ കുപ് വാര ജില്ലയിലുണ്ടായ ഏറ്റുമുട്ടലില്‍ ഒരു സൈനികന്‍ കൊല്ലപ്പെട്ടു. കുപ് വാരയിലെ കരാല്‍ഗുണ്ടില്‍ ഭീകരര്‍ ഒളിച്ചിരിക്കുന്നു എന്ന് രഹസ്യ വിവരം ലഭിച്ചതിനെ തുടര്‍ന്ന് നടത്തിയ തിരച്ചിലിലാണ് ഏറ്റുമുട്ടലുണ്ടായത്. 

സിആര്‍പിഎഫ്  92 ബറ്റാലിയന്‍, രാഷ്ട്രീയ റൈഫിള്‍സ് 32 എന്നിവയിലെ സൈനികരാണ് ഓപറേഷനില്‍ പങ്കെടുക്കുന്നത്. ബാന്‍ഡിപൂരയിലെ ഹജീനിലും സുരക്ഷ ഉദ്യോഗസ്ഥരും ഭീകരരുമായി ഏറ്റുമുട്ടല്‍ റിപ്പോര്‍ട്ട് ചെയ്തിട്ടുണ്ട്.