ചെന്നൈ: ജയലളിതയുടെ മരണത്തെ തുടര്‍ന്ന് തമിഴ്‌നാട്ടിലെ ആര്‍കെ നഗറിലെ ഉപതെരഞ്ഞെടുപ്പില്‍ ബിജെപി സ്ഥാനാര്‍ത്ഥിയായി മത്സരിക്കുന്ന ഗംഗൈ അമരന് വിജയാശംകള്‍ നേര്‍ന്ന് രജനീകാന്ത്. അമരന്റെ പോയ്‌സ് ഗാര്‍ഡനിലെ വീട്ടില്‍ വെച്ചായിരുന്നു  കൂടിക്കാഴ്ച.  ബിജെപി സ്ഥാനാര്‍ത്ഥിയുമായുള്ള കൂടിക്കാഴ്ച തമിഴ്‌നാട് രാഷ്ട്രീയത്തിലേക്ക് രജനീകാന്ത് എത്തുമെന്ന സൂചനയായി വിലയിരുത്തലുകളുണ്ടെങ്കിലും രാഷ്ട്രീയത്തിലേക്ക് ഇല്ലെന്നാണ് രജനികാന്ത് വ്യക്തമാക്കുന്നത്. 

ബിജെപി സ്ഥാനാര്‍ത്ഥിയായി മത്സരിക്കുന്ന ഗംഗൈ അമരന്‍ ഇളയരാജയുടെ സഹോദരനാണ്. തെരഞ്ഞെടുപ്പില്‍ ഗംഗൈ അമരനെതിരെ രംഗത്തുള്ളത് ജയലളിതയുടെ സഹേദരപുത്രി ദീപ ജയകുമാറും, ഡിഎംകെ സ്ഥാനാര്‍ത്ഥിയായി മരുത് ഗണേഷും എഐഎഡിഎംകെ സഥാനാര്‍ത്ഥിയായി ടിടി ദിനകരുനുമാണ് രംഗത്തുള്ളത്. 

ഏപ്രില്‍ 12നാണ് തെരഞ്ഞെടുപ്പ്. നാമനിര്‍ദ്ദേശ പത്രികസമര്‍പ്പിക്കാനുള്ള അവസാനദിവസം ബുധനാഴ്ചയാണ്.