ന്യൂഡൽഹി: ജൂണിലെ പരീക്ഷയ്ക്ക് അപേക്ഷിക്കാനുള്ള തീയതി ഇന്ദിരാഗാന്ധി നാഷണൽ ഓപ്പൺ യൂണിവേഴ്‌സിറ്റി (ഇഗ്നോ) നീട്ടി. ജൂൺ 15 വരെയാണ് തീയതി നീട്ടിയിരിക്കുന്നത്. ഇഗ്നോയുടെ ഔദ്യോഗിക വെബ്‌സൈറ്റ് വഴിയും വിദ്യാർത്ഥികൾക്ക് രജിസ്റ്റർ ചെയ്യാം.

നേരത്തെ മെയ് 31 വരെയാണ് അപേക്ഷ സമർപ്പിക്കാൻ സമയം നൽകിയിരുന്നത്. ലോക്ക്ഡൗൺ നീട്ടിയതോടെയാണ് കൂടുതൽ സമയം അനുവദിച്ചിരിക്കുന്നത്. എന്നാൽ ജൂണിലെ പരീക്ഷാ തീയതി ഇതുവരെ ഇഗ്നോ പ്രഖ്യാപിച്ചിട്ടില്ല.

ഇത് മൂന്നാം തവണയാണ് പരീക്ഷയ്ക്ക് രജിസ്റ്റർ ചെയ്യാനുള്ള തീയതി ഇഗ്നോ നീട്ടുന്നത്. ആദ്യം ഏപ്രിൽ 30 വരെയാണ് പരീക്ഷയ്ക്ക് രജിസ്റ്റർ ചെയ്യാൻ സമയം അനുവദിച്ചിരുന്നത്. ലോക്ക്ഡൗൺ നീട്ടിയതോടെ ഇത് മെയ് 15വരെയും പിന്നീട് മെയ് 31 വരെയും നീട്ടി.