ബിജെപിയുമായി ചേര്‍ന്ന് സര്‍ക്കാര്‍ രൂപീകരിച്ച നിതീഷ് കുമാറിന്റെ നീക്കത്തിനെതിരെ സ്വീകരിക്കേണ്ട നിലപാട് സംബന്ധിച്ച് ജെഡിയുവില്‍ ഭിന്നത രൂക്ഷമാകുന്നു. ഇതുമായി ബന്ധപ്പെട്ട ചര്‍ച്ചകള്‍ക്കായി ശരദ് യാദവ് ജെഡിയു നേതാക്കളുടെ യോഗം വിളിച്ചു. 

എം.പി.വീരേന്ദ്ര കുമാറും യോഗത്തില്‍ പങ്കെടുക്കും. കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയുമായി കൂടിക്കാഴ്ച നടത്തിയതിന് ശേഷമാണ് ശരദ് യാദവ് ജെഡിയു നേതാക്കളുടെ യോഗം വിളിച്ചിരിക്കുന്നത്. അതിനിടെ ലാലു പ്രസാദ് യാദവിനെ വിമര്‍ശിച്ച് ജെഡിയുവിലെ ഒരു വിഭാഗം രംഗത്തെത്തി. കാര്യങ്ങളെ വളച്ചൊടിക്കുന്നത് ലാലുവിന്റെ ശീലമാണെന്നായിരുന്നു ജെഡിയു നേതാവ് ലല്ലന്‍ സിങ്ങിന്റെ പ്രതികരണം. 

നിതീഷ് കുമാറുമായുള്ള ബന്ധം അവസാനിപ്പിച്ചതായി വിരേന്ദ്ര കുമാര്‍ വ്യക്തമാക്കിയിരുന്നു. ഫാസിസ്റ്റ് ശക്തികള്‍ക്കെതിരെ എന്ത് വിലകൊടുത്തും പോരാടുമെന്നായിരുന്നു വീരേന്ദ്ര കുമാറിന്റെ പ്രതികരണം.