പൂനെ: ജ്വല്ലറിയില്‍ നിന്ന് 25 ലക്ഷം രൂപയ്ക്ക് വജ്രം സ്വര്‍ണം വെള്ളി ആഭരണങ്ങള്‍ വാങ്ങിയിട്ട് പണം നല്‍കാത്തതിനെ തുടര്‍ന്ന് ടിവി സീരിയല്‍ താരം മിലിന്ദ് ദസ്താനെ അറസ്റ്റില്‍. ചൊവ്വാഴ്ചയാണ് ദസ്താനയെ പൊലീസ് അറസ്റ്റ് ചെയ്തത്.
പൂനെയിലെ പിഎന്‍ ഗാഡ്ഗില്‍ ജ്വല്ലറിയില്‍ നിന്നാണ് ഭാര്യയും ദസ്താനയും ചേര്‍ന്ന് 25 ലക്ഷം രൂപയുടെ ആഭരണങ്ങള്‍ വാങ്ങിയത്. വജ്രമോതിരവും, സ്വര്‍ണാഭരണങ്ങളുമാണ് വാങ്ങിക്കൂട്ടിയത്. ഒരു വര്‍ഷം കഴിഞ്ഞിട്ടും ഇവര്‍ പണം നല്‍കാതായപ്പോള്‍ ജ്വല്ലറി ഉടമ പൊലീസിനെ സമീപിക്കുകയായിരുന്നു.
അതേസമയം തന്റെ മുംബൈയിലുള്ള സ്വത്ത് വിറ്റവകയില്‍ പണം ലഭിക്കുന്നതോടെ പലിശ സഹിതം പണം ഉടമയ്ക്ക് തിരികെ നല്‍കുമെന്ന് നടന്‍ പൊലീസില്‍ രേഖാമൂലം ഉറപ്പ് നല്‍കിയിട്ടുണ്ട്. ജ്വല്ലറി ഉടമയുടെ പരാതിയുടെ അടിസ്ഥാനത്തില്‍ നടനെതിരെ കേസ് രജിസ്റ്റര്‍ ചെയ്തിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates