ഷാജഹാന്പൂര്: സഹയാത്രികന്റെ ആക്രമണത്തില് ട്രെയിന് യാത്രയ്ക്കിടെ ഗര്ഭിണി കൊല്ലപ്പെട്ടു. ഒപ്പമുണ്ടായിരുന്ന യാത്രക്കാരന് പുകവലിച്ചപ്പോള് ഇവര് എതിര്ത്തതാണ് ആക്രമണത്തിന് കാരണം.
കുടുംബവുമായി യാത്രചെയ്യുന്നതിനിടെയാണ് 45കാരിയായ ചിനത് ദേവിക്ക് നേരെ സാനു യാധവ് എന്ന യുവാവ് ആക്രമണം നടത്തിയതെന്ന് പൊലീസ് പറഞ്ഞു. ഒരേ കംപാര്ട്ട്മെന്റില് യാത്രചെയ്യുന്നതിനിടെ സോനു പുകവലിക്കുന്നത് ശ്രദ്ധയില്പ്പെട്ട ചിനത് ഇത് എതിര്ക്കുകയും ഇയാളോട് പുകവലിക്കരുതെന്ന് ആവശ്യപ്പെടുകയുമായിരുന്നു. ഇത് പിന്നീട് ഇരുവരും തമ്മിലുള്ള തര്ക്കത്തിലേക്ക് കടന്നെന്നാണ് പൊലീസിന്റെ വിശദീകരണം.
പഞ്ചാബ്-ബീഹാര് ജല്ലിയന്വാലാ എക്സ്പ്രസ്സില് വച്ചാണ് സംഭവം. ട്രെയിന് ഷാജഹാന്പൂര് റെയില്വെ സ്റ്റേഷനില് നിര്ത്തിയപ്പോള് ഇവരെ ആശുപത്രിയില് എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നെന്ന് ഡോക്ടര്മാര് അറിയിക്കുകയായിരുന്നു. ചാട്ട് പൂജയില് പങ്കെടുക്കാന് ബീഹാറിലേക്ക് പോകുകയായിരുന്നു ചിനത് ദേവിയും കുടുംബവും. യുവതിയുടെ മൃതദേഹം പോസ്റ്റുമോര്ട്ടത്തിന് അയച്ചെന്നും ആക്രമിയെ അറസ്റ്റ് ചെയ്തെന്നും പൊലീസ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates