ചെന്നൈ: പ്രമുഖ തമിഴ്‌നടന്‍ രാധാരവി ബിജെപിയില്‍ ചേര്‍ന്നു. ബിജെപി ദേശീയ വര്‍ക്കിങ് പ്രസിഡന്റ് ജെ പി നഡ്ഡയുടെ സാന്നിധ്യത്തിലാണ് രാധാരവി പാര്‍ട്ടിയില്‍ ചേര്‍ന്നത്. 2001ല്‍ നിയമസഭയിലേക്ക് എഐഎഡിഎംകെ സ്ഥാനാര്‍ത്ഥിയായി രാധാമണി മത്സരിച്ച് ജയിച്ചിട്ടുണ്ട്. ഡിഎംകെ സസ്‌പെന്റ് ചെയ്തതിന് പിന്നാലെയാണ് രാധാമണി എഐഎഡിഎംകെയില്‍ ചേര്‍ന്നത്.

ശനിയാഴ്ച രാവിലെയാണ് ജെ പി നഡ്ഡ തമിഴ്‌നാട്ടിലെത്തിയത്. ബിജെപി സംസ്ഥാന കമ്മിറ്റി സംഘടിപ്പിച്ച റോഡ് ഷോയില്‍ പങ്കെടുത്ത അദ്ദേഹം, മുതിര്‍ന്ന നേതാക്കളുമായി ചര്‍ച്ച നടത്തും. സംസ്ഥാനത്ത് പാര്‍ട്ടിയെ ശക്തിപ്പെടുത്താനുള്ള പുതിയ നിര്‍ദേശങ്ങള്‍ നഡ്ഡ മുന്നോട്ടുവയ്ക്കുമെന്നാണ് സൂചന.