ചെന്നൈ: തമിഴ്‌നാട്ടില്‍ 24 മണിക്കൂറിനിടെ 447 പേര്‍ക്ക് കോവിഡ് 19 സ്ഥിരീകരിച്ചു. ഇന്ന് രണ്ട് പേരാണ് തമിഴ്‌നാട്ടില്‍ മരിച്ചത്. ഇതോടെ കോവിഡ് ബാധിച്ച് മരിച്ചവരുടെ എണ്ണം 66 ആയി ഉയര്‍ന്നു. തമിഴ്‌നാട്ടിലെ മൊത്തം കോവിഡ് കേസുകളുടെ എണ്ണം 9,674 ആയി ഉയര്‍ന്നു. 

ചെന്നൈയില്‍ മാത്രം ഇന്ന് 363 പേര്‍ക്കാണ് വൈറസ് ബാധ കണ്ടെത്തിയത്. ഇതോടെ ചെന്നൈയില്‍ 5,637 പേര്‍ക്കാണ് രോഗം സ്ഥിരീകരിച്ചിരിക്കുന്നത്. ചെന്നൈയില്‍ രോഗത്തിന്റെ പ്രഭവ കേന്ദ്രമായി കാണുന്ന കോയമ്പേട് മാര്‍ക്കറ്റുമായി ബന്ധപ്പെട്ട് ഏതാണ്ട് 2000ത്തോളം പേര്‍ക്കാണ് വൈറസ് ബാധിച്ചിരിക്കുന്നത്. 

സംസ്ഥാനത്ത് 2240 പേര്‍ക്ക് രോഗം ഭേദമായി. ഇതുവരെയായി 2.80 ലക്ഷം സാമ്പിളുകള്‍ പരിശോധിച്ചതായി സര്‍ക്കാര്‍ വ്യക്തമാക്കി.