ന്യൂഡല്‍ഹി: സാങ്കേതിക തകരാറിനെ തുടര്‍ന്ന് എയര്‍ ഇന്ത്യ വിമാനം അടിയന്തരമായി തിരിച്ചിറക്കി. എമര്‍ജന്‍സി ലാന്‍ഡിങ്ങിന് ശ്രമിക്കവെ വിമാനത്തിന് തീപിടിക്കുകയും ചെയ്തു. എന്നാല്‍, വിമാനത്തിലുണ്ടായിരുന്ന 59 യാത്രക്കാരും സുരക്ഷിതരാണെന്ന് എയര്‍ ഇന്ത്യ വ്യക്തമാക്കി. 

ഡല്‍ഹി വിമാനത്താവളത്തില്‍ നിന്നും പറന്നുയര്‍ന്നതിന് പിന്നാലെ വിമാനത്തിന്റെ നോസ് ലാന്‍ഡിങ് ഗിയറിലെ തകരാറും, മറ്റ് സാങ്കേതിക പ്രശ്‌നങ്ങളും ഉടലെടുക്കുകയായിരുന്നു എന്ന് എയര്‍ ഇന്ത്യ വക്താവ് പറഞ്ഞു. അലയന്‍സ് എയര്‍ ഫ്‌ളൈറ്റ് 9എക്‌സ് 643 ആണ് അപകടത്തില്‍ നിന്ന് തലനാരിഴയ്ക്ക് രക്ഷപെട്ടത്. 

സാങ്കേതിക തകരാര്‍ തിരിച്ചറിഞ്ഞതോടെ ഡല്‍ഹി വിമാനത്താവളത്തിലേക്ക് തന്നെ വിമാനം തിരിച്ചിറക്കി. ഡല്‍ഹിയില്‍ നിന്നും ജയ്പൂരിലേക്കായിരുന്നു വിമാനം പറന്നത്.