ലഖ്‌നോ: അഖിലേഷിനെ പ്രതിരോധിച്ച് മുലായം സിംഗ് രംഗത്ത്. പാര്‍ട്ടിയുടെ പരാജയത്തിന് ആരും ഉത്തരവാദികളല്ല ഇത് ജനവിധിയാണെന്നും മുലായം പറഞ്ഞു. അധികാരത്തിലെത്തിയ ബിജെപി എന്ത്‌ചെയ്യുന്നുവെന്ന് കാത്തിരുന്നുവെന്ന് കാണാം എന്നും മുലായം പറഞ്ഞു

തെരഞ്ഞെടുപ്പില്‍ ജയവും തോല്‍വിയും സ്വാഭാവികമാണ്. മുന്‍പും പാര്‍ട്ടി തെരഞ്ഞെടുപ്പില്‍ പരാജയപ്പെട്ടിട്ടുണ്ട്. എന്നാല്‍ പാര്‍ട്ടി കരുത്തോടെ തിരിച്ചുവന്നിട്ടുണ്ടെന്നും മുലായം അഭിപ്രായപ്പെട്ടു.

എസ്പിയിലെ അഭിപ്രായ ഭിന്നതകളാണ് പാര്‍്ട്ടിക്ക് ഇത്രവലിയ പരാജയം ഉണ്ടാക്കിയതെന്നാണ് പാര്‍ട്ടിയുടെ വിലയിരുത്തല്‍. കോണ്‍ഗ്രസുമായി ഉണ്ടാക്കിയ സഖ്യവും പാര്‍ട്ടിക്ക് തിരിച്ചടിയായി. കഴിഞ്ഞ തെരഞ്ഞെടുപ്പില്‍ 224 സീറ്റുകള്‍ നേടിയ എസ്പി ഇത്തവണ 47 സീറ്റുകള്‍ മാത്രമാണ് ലഭിച്ചത്. കഴിഞ്ഞ തവണ 47 സീറ്റുകള്‍ ലഭിച്ച ബിജെപി ഇത്തവണ 312 സീറ്റുകള്‍ നേടി ചരിത്രവിജയം നേടിയാണ് അധികാരത്തിലെത്തിയത്