ന്യൂ​ഡ​ൽ​ഹി: ​കൊ​റേ​ഗാ​വ് സം​ഘ​ർ​ഷ​വു​മാ​യി ബ​ന്ധം ഉ​ണ്ടെ​ന്ന് ആ​രോ​പി​ച്ച് രാ​ജ്യ​ത്തെ മനുഷ്യാവകാശ പ്രവർത്തകരെ അറസ്റ്റ് ചെയ്ത ബിജെപി സർക്കാരിന്റെ നടപടിയെ വിമർശിച്ച് ജെഎൻയു സ്റ്റുഡന്റ്സ് യൂണിയൻ മുൻ പ്രസിഡന്റും എ​ഐ​എ​സ്എ​ഫ് നേ​താ​വു​മാ​യ ക​ന​യ്യ​കു​മാ​ർ. ത​ങ്ങ​ൾ പേ​ന ച​ലി​പ്പി​ച്ച് ക്രി​മി​ന​ലു​ക​ളാ​യി, അ​വ​രാ​ക​ട്ടെ ക​ലാ​പം ന​ട​ത്തി സ​ർ​ക്കാ​രു​ണ്ടാ​ക്കി എ​ന്നാ​യി​രു​ന്നു ക​ന​യ്യ​യു​ടെ വി​മ​ർ​ശ​നം. നോ​മോ​ർ ഫേ​ക്ക് ചാ​ർ​ജ​സ് എ​ന്ന ഹാ​ഷ്ടാ​ഗി​ലാ​യി​രു​ന്നു ക​ന​യ്യ​യു​ടെ ട്വീ​റ്റ്.

ക​വി വ​ര​വ​ര​റാ​വു, സു​ധ ഭ​ര​ദ്വാ​ജ്, മാ​ധ്യ​മ പ്ര​വ​ർ​ത്ത​ക​ൻ ഗൗ​തം നാ​വ് ലാ​ഖ, വെ​ർ​ണോ​ൻ ഗോ​ണ്‍​സാ​ൽ​വ​സ്, അ​രു​ണ്‍ ഫെ​രേ​ര എ​ന്നി​വ​രെ​യാ​ണ്  വി​വി​ധ ന​ഗ​ര​ങ്ങ​ളി​ൽ നി​ന്ന് മാ​വോ​യി​സ്റ്റ് ബ​ന്ധം ആ​രോ​പി​ച്ച് പൂ​നെ പോ​ലീ​സ് അ​റ​സ്റ്റ് ചെ​യ്ത​ത്. അ​റ​സ്റ്റി​നെ ചോ​ദ്യം ചെ​യ്ത് റോ​മി​ല ഥാ​പ്പ​ർ, പ്ര​ഭാ​ത് പ​ട്നാ​യി​ക്, സ​തീ​ഷ് ദേ​ശ്പാ​ണ്ഡേ, മാ​ജാ ദാ​രു​വാ​ല എ​ന്നി​വ​ർ ഉ​ൾ​പ്പ​ടെ​യു​ള്ള​വ​ർ സു​പ്രീം കോ​ട​തി​യെ സ​മീ​പി​ച്ചിരുന്നു. 

ഹ​ർ​ജി പ​രി​ഗ​ണി​ച്ച സു​പ്രീം കോ​ട​തി പൂ​നെ പോ​ലീ​സ് റെ​യ്ഡ് ന​ട​ത്തി പി​ടി​കൂ​ടി​യ അ​ഞ്ചു മ​നു​ഷ്യാ​വ​കാ​ശ പ്ര​വ​ർ​ത്ത​ക​രു​ടെ അ​റ​സ്റ്റ് വീ​ട്ടു​ത​ട​ങ്ക​ലാ​ക്കി. വി​യോ​ജി​പ്പു​ക​ൾ ജ​നാ​ധി​പ​ത്യ​ത്തി​ന്‍റെ സു​ര​ക്ഷാ വാ​ൽ​വ് ആ​ണെ​ന്ന് ഹ​ർ​ജി പ​രി​ഗ​ണി​ക്കു​ന്ന​തി​നി​ടെ സു​പ്രീം​കോ​ട​തി ചൂ​ണ്ടി​ക്കാ​ട്ടുകയും ചെയ്തിരുന്നു.