ഇസ്ലാമബാദ്: ദയാ ഹര്‍ജികള്‍ തീരുമാനമാകാതെ കുല്‍ഭൂഷണ്‍ ജാദവിനെ തൂക്കിലേറ്റില്ലെന്ന് പാക്കിസ്ഥാന്‍. ആദ്യം സൈനിക മേധാവി, പ്രസിഡന്റ് എന്നിവര്‍ക്കു നല്‍കുന്ന ദയാ ഹര്‍ജിയില്‍ തീരുമാനമാതെ കുല്‍ഭൂഷണെ തൂക്കിലേറ്റില്ലെന്ന് പാക്ക് വിദേശ കാര്യ വക്താവ് നഫീസ് സക്കരിയ വ്യക്തമാക്കി.

ഇന്ത്യന്‍ ചാരന്‍ എന്നാരോപിച്ച് പാക്കിസ്ഥാന്‍ കുല്‍ഭൂഷണ്‍ ജാദവിനെ തൂക്കിലേറ്റാന്‍ വിധിച്ചിരുന്നു. പിന്നീട് ഹേഗിലുള്ള രാജ്യാന്തര കോടതി കേസില്‍ ഇടപെടുകയും ജാദവിന്റെ വധശിക്ഷ സ്റ്റേ ചെയ്യുകയുമായിരുന്നു. 

അതേസമയം, രാജ്യാന്തര കോടതിയില്‍ ഇതുമായി ബന്ധപ്പെട്ട് ഇന്ത്യ നല്‍കിയ ഹര്‍ജി നിലനില്‍ക്കില്ലെന്ന് ആവര്‍ത്തിച്ച സക്കരിയ മാധ്യമങ്ങളെ ഉപയോഗിച്ച് തെറ്റായ ശ്രമമാണ് ഇന്ത്യ നടത്തുന്നതെന്നും ആരോപിച്ചു.