ദുബായ്: ദുബായ് ഡ്യൂട്ടി ഫ്രീ ലോട്ടറിയില്‍ ഒന്നാം സമ്മാനമായ ഒരു മില്യണ്‍ ഡോളര്‍ (7.11 കോടി രൂപ) ഇന്ത്യക്കാരനായ അക്കൗണ്ടന്‍റിന്. 16 വര്‍ഷത്തോളമായി ദുബായില്‍ താമസക്കാരനായ പ്രവീണ്‍ അരാന്‍ഹ എന്നയാൾക്കാണ് ഭാ​ഗ്യമടിച്ചത്. 

കഴിഞ്ഞ 20 വർഷത്തിനിടയ്ക്ക് ലോട്ടറിയില്‍ ഒന്നാം സമ്മാനം നേടുന്ന 151ാമത്തെ ഇന്ത്യക്കാരനാണ് പ്രവീണ്‍. ലോട്ടറിയടിച്ചത് അത്ഭുതപ്പെടുത്തുന്നെന്നും എല്ലാവര്‍ക്കും ഇത്തരം അവസരമുണ്ടാകട്ടെയെന്നുമാണ് പ്രവീണിന്റെ വാക്കുകൾ. 

പ്രവീണ്‍ സുഹൃത്തുക്കളുമായി ചേര്‍ന്ന് എടുത്ത 3069 എന്ന നമ്പര്‍ ടിക്കറ്റിനാണ് സമ്മാനമടിച്ചത്. സമ്മാനം ലഭിച്ച തുകയുടെ ഒരു ഭാഗം തന്റെ മകളുടെ പഠനത്തിനായി മാറ്റിവയ്ക്കുമെന്നും യുഎസില്‍ ബിസിനസ് അഡ്മിനിസ്ട്രേഷന്‍ പഠിക്കുന്ന മകളെ ഏതറ്റം വരെയും പഠിപ്പിക്കുമെന്നും പ്രവീൺ പറഞ്ഞു.