അജ്മീര്‍​: കനത്ത മഴയെത്തുടര്‍ന്ന് രാജസ്ഥാനിലെ നാഗ്ഫാനി പ്രദേശത്ത് വീടുകള്‍ തകര്‍ന്ന് മൂന്ന് മരണം. ഒരാളെ രക്ഷിക്കാനായെങ്കിലും ഇനിയും അഞ്ച് പേരോളം കുടുങ്ങിക്കിടക്കുന്നതായാണ് റിപ്പോര്‍ട്ട്. 

മറ്റൊരു സംഭവത്തില്‍ നഗരത്തല്‍ കുത്തിയൊലിച്ച വെള്ളത്തില്‍ ഒരാള്‍ ഒഴുകിപ്പോയി. നഗരമദ്ധ്യത്തിലൂടെ കുത്തിയൊലിച്ച വെള്ളത്തില്‍ അകപ്പെട്ട ഇയാളെ അരികിലെ കെട്ടിടങ്ങളില്‍ നിന്നിരുന്നവര്‍ രക്ഷിക്കാന്‍ ശ്രമിച്ചെങ്കിലും ഫലമുണ്ടായില്ല. വെള്ളത്തില്‍ പെട്ട് ഒലിച്ചുപോകുന്ന ആളുടെ വിഡിയോ സമൂഹമാധ്യമങ്ങളിലടക്കം പ്രചരിക്കുന്നുണ്ട്.