ജനസാഗരത്തെ സാക്ഷിയാക്കിയാണ് അരവിന്ദ് കെജരിവാള്‍ മൂന്നാംവട്ടം ഡല്‍ഹിയുടെ മുഖ്യമന്ത്രിയായി സത്യപ്രതിജ്ഞ ചെയ്തത്. രാംലീല മൈതാനിയില്‍ നടന്ന ചടങ്ങിലായിരുന്നു കെജരിവാളും സംഘവും സത്യവാചകം ചൊല്ലി അധികാരമേറ്റത്.

ലഫ്റ്റനന്റ് ഗവര്‍ണര്‍ അനില്‍ ബൈജാല്‍ സത്യവാചകം ചൊല്ലിക്കൊടുത്തു.  ഈശ്വര നാമത്തിലാണ് കെജരിവാള്‍ മുഖ്യമന്ത്രിയായി സത്യപ്രതിജ്ഞ ചെയ്തത്. സത്യപ്രതിജ്ഞയ്ക്ക് ശേഷം, പൊതുജനങ്ങളെ അഭിസംബോധന ചെയ്ത അദ്ദേഹം പ്രസംഗം അവസനാനിപ്പിച്ചത് 'ഹം ഹോങ്‌ഗേ കാമിയാബ്' എന്ന ഗാനം ആലപിച്ച് കൊണ്ടായിരുന്നു.നമ്മുടെ കൂട്ടായ സ്വപ്നം നിറവേറ്റാനുള്ള പ്രാര്‍ത്ഥനയാണിത് എന്ന മുഖവുരയോടെയായിരുന്നു കെജരിവാള്‍ ഗാനം അലപിച്ചത്.

1960ല്‍ യുഎസില്‍ അലയടിച്ച പൗരാവകാശ മുന്നേറ്റത്തിന്റെ ദേശീയ ഗാനമായ 'we shall Overcome' (നമ്മള്‍ അതിജീവിക്കും) എന്ന പാട്ടിന്റെ പ്രശസ്തമായ ഹിന്ദി തര്‍ജ്ജമയാണ് അദ്ദേഹം പാടിയത്.