മുംബൈ: മഹാരാഷ്ട്രയിലെ നാസിക്കില് സ്വകാര്യ പണമിടപാട് സ്ഥാപനത്തില് കവര്ച്ചാസംഘത്തിന്റെ വെടിയേറ്റ് മലയാളി മരിച്ചു. മാവേലിക്കര അറുനൂറ്റിമംഗലം സ്വദേശി സാജു സാമുവലാണ് മരിച്ചത്. രണ്ട് പേര്ക്ക് പരിക്കേറ്റു. ഇരുവരുടെയും നില ഗുരുതരമല്ല എന്നാണ് വിവരം.
കേരളം ആസ്ഥാനമായി പ്രവര്ത്തിക്കുന്ന സ്ഥാപനത്തിന്റെ ശാഖയിലാണ് സംഭവം. ബാങ്കിലെ പണം തട്ടാന് എത്തിയ കവര്ച്ചാ സംഘത്തെ തടയാനുളള ശ്രമത്തിനിടയിലാണ് സാജുവിന് വെടിയേറ്റത്. സാജുവിനൊടൊപ്പമുണ്ടായിരുന്ന രണ്ട് പേര്ക്കാണ് പരിക്കേറ്റത്.
അപ്രതീക്ഷിതമായി ബാങ്കില് കയറിവന്ന കവര്ച്ചാ സംഘം പണമിടപാട് സ്ഥാപനത്തിലെ ജീവനക്കാരില് നിന്ന് മൊബൈല് ഫോണ് പിടിച്ചുവാങ്ങി. തുടര്ന്ന് കവര്ച്ചാ ശ്രമം നടത്തവെയാണ് സാജു ഇവരെ തടയാന് ശ്രമിച്ചത്.ഇതിനിടെ കവര്ച്ചാ സംഘം സാജുവിന് നേരെ നിറയൊഴിക്കുകയായിരുന്നു.
പണമിടപാട് സ്ഥാപനത്തില് ഓഡിറ്റിങ്ങ് നടക്കുന്നതിനിടയിലായിരുന്നു കവര്ച്ചാശ്രമം. പണമിടപാട് സ്ഥാപനത്തിന്റെ മുബൈയിലെ ശാഖയിലെ സിസ്റ്റം അഡ്മിനിസ്ട്രേറ്ററായ സാജു, നാസിക്ക് ശാഖയിലെ സാങ്കേതിക പ്രശ്നങ്ങള് പരിഹരിക്കാന് എത്തിയതായിരുന്നുവെന്നാണ് റിപ്പോര്ട്ടുകള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates