കൊല്‍ക്കത്ത: ബംഗാളില്‍ ജീവിക്കുന്ന എല്ല ബംഗ്ലാദേശ് പൗരന്‍മാരും ഇന്ത്യക്കാരാണെന്ന് പശ്ചിമബംഗാല്‍ മുഖ്യമന്ത്രി മമത ബാനര്‍ജി. ബംഗ്ലാദേശില്‍ നിന്ന് വന്ന് വോട്ട് രേഖപ്പെടുത്തിയവരെല്ലാം ഇന്ത്യന്‍ പൗരന്‍മാരാണ്. അവര്‍ വീണ്ടും പൗരത്വത്തിന് അപേക്ഷിക്കേണ്ടതില്ലെന്നും മമത പറഞ്ഞു. കാളിഗഞ്ചില്‍ സംഘടിപ്പിച്ച പൊതുയോഗത്തില്‍ സംസാരിക്കുകയായിരുന്നു മമത ബാനര്‍ജി.
ഡല്‍ഹിയിലെ കലാപത്തില്‍ കൊല്ലപ്പെട്ടത് 42 പേരാണ്. മോദി സര്‍ക്കാര്‍ സ്വീകരിച്ച സമീപനത്തിനെതിരെ രൂക്ഷമായ വിമര്‍ശനമാണ് മമത ഉന്നയിച്ചത്. ബംഗാളിനെ മറ്റൊരു ഡല്‍ഹിയാക്കാന്‍ അനുവദിക്കില്ലെന്നും മമത പറഞ്ഞു.
ബംഗ്ലാദേശില്‍ നിന്നും വന്നവര്‍ ഇന്ത്യന്‍ പൗരന്‍മാരാണ്. അവര്‍ വീണ്ടും പൗരത്വത്തിന് അപേക്ഷിക്കേണ്ടതില്ല. തെരെഞ്ഞെടുപ്പില്‍ അവര്‍ വോട്ട് രേഖപ്പെടുത്തി. പ്രധാനമന്ത്രിയെയും മുഖ്യമന്ത്രിയെയും തെരഞ്ഞെടുക്കുന്നതില്‍ വലിയ പങ്കുവഹിച്ചു. എന്നാല്‍ അവര്‍ ഇപ്പോള്‍ പറയുകയാണ് അവര്‍ ഇന്ത്യന്‍ പൗരന്‍മാരല്ല, അവരെ വിശ്വസിക്കരുതെന്ന് മമത പറഞ്ഞു.
ഒരു വ്യക്തിയെ പോലും ബംഗാളില്‍ നിന്ന് പുറത്താക്കാന്‍ അനുവദിക്കില്ല സംസ്ഥാനത്ത് താമസിക്കുന്ന ഒരു അഭയാര്‍ഥിക്കും പൗരത്വം നഷ്ടപ്പെടില്ലെന്നും മമത പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates