പാട്ന : ബി​ഹാ​ർ മു​ഖ്യ​മ​ന്ത്രി നി​തീ​ഷ് കു​മാറിനെ വിമർശിച്ച് ജെഡിയു വൈസ് പ്രസിഡന്റ് പ്രശാന്ത് കിഷോർ. മഹാസഖ്യം വിട്ട് ജെഡിയു ബിജെപിക്കൊപ്പം പോയ രീതിയെയാണ് പ്രശാന്ത് കിഷോർ വിമർശിച്ചത്. ഒ​രു ഓ​ണ്‍​ലൈ​ൻ മാ​ധ്യ​മ​ത്തി​നു ന​ൽ​കി​യ അ​ഭി​മു​ഖ​ത്തി​ലാ​ണ് നി​തീ​ഷ് ബി​ജെ​പി​യു​മാ​യി കൂ​ട്ടു​ചേ​ർ​ന്ന രീ​തി​യെ പ്ര​ശാ​ന്ത് വി​മ​ർ​ശി​ച്ച​ത്. 

സ​ഖ്യ​ത്തി​ൽ​നി​ന്നു പു​റ​ത്തു​വ​ന്ന നി​തീ​ഷ് ജ​ന​വി​ധി തേ​ടി അ​ധി​കാ​ര​ത്തി​ൽ എ​ത്ത​ണ​മാ​യി​രുന്നുവെന്ന് ​പ്രശാന്ത് കി​ഷോ​ർ പ​റ​ഞ്ഞു. ബി​ഹാ​റി​ന്‍റെ താ​ത്പ​ര്യം ക​ണ​ക്കി​ലെ​ടു​ത്താ​ണെ​ങ്കി​ൽ മ​ഹാ​സ​ഖ്യ​ത്തി​ൽ​നി​ന്നു പു​റ​ത്തു ​വ​ന്ന​തി​ൽ തെറ്റി​ല്ല. എന്നാല്‍ അതിന് സ്വീകരിച്ച മാര്‍ഗത്തോട് യോജിക്കാനാകില്ല.  ബി​ജെ​പി​യു​മാ​യി സ​ഖ്യം ചേ​രു​ന്ന​തി​നു മു​ന്പ് തെ​ര​ഞ്ഞെ​ടു​പ്പി​നെ നേ​രി​ടു​ക​യാ​യി​രു​ന്നു നി​തീ​ഷ് ചെ​യ്യേ​ണ്ടി​യി​രു​ന്ന​ത്. ഇക്കാര്യം മുമ്പും ഞാന്‍ പറഞ്ഞിട്ടുണ്ട്. ആ അഭിപ്രായത്തിന് ഒരു മാറ്റവുമില്ല. - പ്ര​ശാ​ന്ത് കി​ഷോ​ർ പ​റ​ഞ്ഞു. 

നി​തീ​ഷ് കു​മാ​ർ മ​ഹാ​സ​ഖ്യ​ത്തി​ൽ​നി​ന്നു പു​റ​ത്തു​പോ​യ​ത് ശ​രി​യോ തെ​റ്റോ എ​ന്ന​ള​ക്കാ​ൻ ത​ന്‍റെ കൈ​യി​ൽ മു​ഴ​ക്കോ​ലി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ആര്‍ജെഡിക്കും കോണ്‍ഗ്രസിനും ഒപ്പം മഹാസഖ്യമായി തിരഞ്ഞെടുപ്പിനെ നേരിട്ടാണ് ജെഡിയു അധികാരത്തിലെത്തിയത്.  2017 ജൂ​ലൈ​യി​ലാ​ണ് നി​തീ​ഷ് കു​മാ​ർ ആ​ർ​ജെ​ഡി-​കോ​ണ്‍​ഗ്ര​സ് സ​ഖ്യ​ത്തി​ൽ ​നി​ന്നു പു​റ​ത്തു​വ​ന്ന​ത്. പി​ന്നീ​ട് ബി​ജെ​പി​യു​മാ​യി ചേ​ർ​ന്നു നി​തീ​ഷ് സ​ർ​ക്കാ​ർ രൂ​പീ​ക​രി​ക്കു​ക​യാ​യി​രു​ന്നു.  പ്രശാന്ത് കിഷോറിന്റെ പ്രസ്താവനയ്‌ക്കെതിരെ ജെഡിയു നേതാക്കളും രംഗത്തുവന്നിട്ടുണ്ട്.