പറ്റ്‌ന: ബിഹാറില്‍ എന്‍ഡിഎ സഖ്യം അധികാരം നിലനിര്‍ത്തുമെന്ന് ഇന്ത്യാ ടുഡെ - ലോക്‌നീതി സിഎസ്ഡിഎസ് അഭിപ്രായ സര്‍വെ. ജെഡിയു- ബിജെപി സഖ്യം 133 മുതല്‍ 144 വരെ സീറ്റുകള്‍ നേടി നിതീഷ് കുമാര്‍ വീണ്ടും മുഖ്യമന്ത്രിയാകുമെന്നാണ്  സര്‍വെഫലം

മഹാസഖ്യത്തിന് 88 മുതല്‍ 98 വരെ സീറ്റുകള്‍ ലഭിക്കും. എല്‍ജെപിക്ക് രണ്ടുമുതല്‍ ആറ് സീറ്റുകളും മറ്റുള്ളവര്‍ക്ക് 6 മുതല്‍ സീറ്റുകള്‍ വരെ ലഭിക്കാമെന്നും അഭിപ്രായ സര്‍വെ പറയുന്നു.മുഖ്യമന്ത്രി എന്ന നിലയില്‍ നിതീഷ് കുമാറിന്റെത് സംതൃപ്തി നല്‍കുന്നുവെന്ന് 52 ശതമാനം പേര്‍ പറയുന്നു. മോദി സര്‍ക്കാരിന്റെ വികസനപ്രവര്‍ത്തനങ്ങളെ പിന്തുണച്ചവര്‍ 61 ശതമാനം പേരാണ്. 

243 മണ്ഡലങ്ങളിലേക്കുള്ള തെരഞ്ഞെടുപ്പില്‍ മൂന്ന് ഘട്ടങ്ങളായാണ് വോട്ടെടുപ്പ് ഒക്ടോബര്‍ 28നാണ് ആദ്യഘട്ടം. അവസാനഘട്ടം നവംബര്‍ ഏഴിനുമാണ്. നവംബര്‍ പത്തിനാണ് ഫലപ്രഖ്യാപനം