ന്യൂഡല്ഹി: നിസാമുദ്ദീന് മത സമ്മേളനത്തില് പങ്കെടുത്ത് മടങ്ങിയവര് ബസുകളിലും ട്രെയിനുകളിലും മധുരം വിതരണം ചെയ്തിരുന്നുവെന്ന് റിപ്പോര്ട്ട്. ആഗ്രയില് നിന്ന് വാങ്ങിയ പേടകളാണ് സമ്മേളനത്തില് പങ്കെടുത്ത് മടങ്ങിയവര് വിതരണം ചെയ്തത്. തബ്ലീഗ് സമ്മേളനത്തില് പങ്കെടുത്തവര്ക്ക് കൂട്ടത്തോട്ടെ കോവിഡ് 19 സ്ഥിരീകരിച്ച സാഹചര്യത്തിലാണ് ഗൗരവതരമായ വെളിപ്പെടുത്തല് പുറത്തുവന്നിരിക്കുന്നത്.
സമ്മേളനം കഴിഞ്ഞ് മടങ്ങിയവര് വലിയതോതില് പേടകള് വാങ്ങിയിരുന്നുവെന്ന് ആഗ്രയിലെ കച്ചവടക്കാര് വെളിപ്പെടുത്തിയതായി ഡല്ഹി പൊലീസ് പറഞ്ഞു.
ബസ് കണ്ടക്ടര്മാരോടും സ്ഥിരം യാത്രക്കാരോടും സംസാരിച്ചതിന്റെ അടിസ്ഥാനത്തില് തബ്ലീഗുകാര് മധുരം വിതരണം ചെയ്തിട്ടുണ്ടെന്ന് ബോധ്യപ്പെട്ടതായി ഡല്ഹി പൊലീസ് വ്യക്തമാക്കിയെന്ന് വാര്ത്താ ഏജന്സിയായ ഐഎഎന്എസ് റിപ്പോര്ട്ട് ചെയ്തു.
മധുരം വിതരണം ചെയ്തത് തെളിയുകയാണെങ്കില്, ജമാഅത്ത് സമ്മേളനത്തില് പങ്കെടുത്തവര്ക്കൊപ്പം യാത്ര ചെയ്തവരെ തിരിച്ചറിയുക എന്നത് ശ്രമകരമായ ദൗത്യമായിരിക്കുമെന്ന് അദ്ദേഹം കൂട്ടിച്ചേര്ത്തു.
ഈ സ്ഥിരം യാത്രക്കാരില് ബിസിനസുകാരും അഭിഭാഷകരും ഒക്കെയുണ്ടാകും. ഇവര് ഡല്ഹി, ബറേലി, ഷഹജാന്പൂര് എന്നിവിടങ്ങളിലേക്ക് സ്ഥിരം യാത്ര ചെയ്യുന്നവരാണ്. ഇവര് ബന്ധുക്കളുടെയും സുഹൃത്തുക്കളുടെയും ഒക്കെ വീടുകളില് സന്ദര്ശനം നടത്തിയിട്ടുണ്ടാകണമെന്നും അദ്ദേഹം കൂട്ടിച്ചേര്ത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates