ശ്രീനഗര്‍: കശ്മീരില്‍ ഭീകരരുടെ നുഴഞ്ഞുകയറ്റ ശ്രമം തകര്‍ത്ത സൈന്യം അഞ്ചു പേരെ വകവരുത്തി. താംഗ്ധാര്‍ മേഖലയിലാണ് ഏറ്റുമുട്ടലുണ്ടായതെന്ന് എഎന്‍ഐ റിപ്പോര്‍ട്ട് ചെയ്തു.

ശനിയാഴ്ച പുലര്‍ച്ചെയാണ് താംഗ്ധാരില്‍ നുഴഞ്ഞുകയറ്റ ശ്രമമുണ്ടായത്. റംസാന്‍ വെടിനിര്‍ത്തലിന്റെ പശ്ചാത്തലത്തില്‍ നുഴഞ്ഞുകയറ്റ ശ്രമങ്ങള്‍ വ്യാപകമായി നടക്കുന്നുണ്ടെന്ന് നേരത്തെ റിപ്പോര്‍ട്ടുകളുണ്ടായിരുന്നു. ഇതിനെത്തുടര്‍ന്ന് സൈന്യം അതീവ ജാഗ്രത പാലിക്കുന്നുണ്ട്.