ഇസ്‌ലാമാബാദ്: ഇന്ത്യയുടെ പ്രദേശങ്ങള്‍ ഉള്‍പ്പെടുത്തി പുതിയ രാഷ്ട്രീയ ഭൂപടം പുറത്തിറക്കി പാകിസ്ഥാന്‍. ഗുജറാത്തിലെ ജുനാഗഡ്, കശ്മീരിന്റെ വിവിധ ഭാഗങ്ങള്‍ എന്നിവ ഉള്‍പ്പെടുത്തിയാണ് പുതിയ മാപ്പ് പുറത്തിറക്കിയിരിക്കുന്നത്. പാകിസ്ഥാന്‍ ചരിത്രത്തിലെ ഏറ്റവും മഹത്തായ ദിനമാണ് ഇതെന്ന് പാകിസ്ഥാന്‍ പ്രധാനമന്ത്രി ഇമ്രാന്‍ ഖാന്‍ പറഞ്ഞു. രാഷ്ട്രീയ ഭൂപടത്തിന് പാകിസ്ഥാന്‍ കാബിനറ്റ് അംഗീകരാം നല്‍കിയത് സ്ഥിരീകരിച്ച് സംസാരിക്കുകയായിരുന്നു ഇമ്രാന്‍. 

ജമ്മു കശ്മീര്‍, ലഡാക്ക് തുടങ്ങിയ മേഖലകള്‍ പാക്കിസ്ഥാന്റെ ഭാഗമാണെന്ന അവകാശവാദം പുതിയ ഭൂപടത്തിലും ആവര്‍ത്തിക്കുന്നുണ്ട്. എന്നാല്‍ ഗുജറാത്തിലെയും കശ്മീരിലെയും ഭാഗങ്ങള്‍ തങ്ങളുടെതാണെന്ന് അവകാശപ്പെട്ട് മാപ്പ് പ്രസിദ്ധീകരിച്ച പാകിസ്ഥാന്‍ നപടി രാഷ്ട്രീയ അസംബന്ധമാണെന്ന് കേന്ദ്രസര്‍ക്കാര്‍ പ്രതികരിച്ചു. 

നേരത്തെ, ഇന്ത്യയുടെ ഭാഗങ്ങള്‍ തങ്ങളുടേതാണെന്ന് അവകാശപ്പെട്ട് നേപ്പാളും ഭൂപടം പുറത്തിറക്കിയിരുന്നു. ഉത്തരാഖണ്ഡിലെ ലിപുലേഖ്, കാലാപാനി, ലിംപയധുര എന്നീ പ്രദേശങ്ങളാണ് പുതിയ ഭൂപടത്തില്‍ നേപ്പാള്‍ തങ്ങളുടേതായി അടയാളപ്പെടുത്തിയത്.