ലണ്ടന്‍: നോട്ടസാധുവാക്കല്‍ പ്രക്രിയ ഏറെക്കുറെ പൂര്‍ത്തിയാക്കിയതായി കേന്ദ്ര ധനകാര്യമന്ത്രി അരുണ്‍ ജെയ്റ്റിലി. പുതിയ നോട്ടുകളുടെ വിതരണവും പൂര്‍ത്തീകരിക്കാനായി. നോട്ട് അസാധുവാക്കലിലൂടെ രാജ്യം മാറ്റത്തിന്റെ പാതയിലാണെന്നും അദ്ദേഹം പറഞ്ഞു.
ലോകത്ത് വേറെ എവിടെയും ഇത്ര സുഗമമായ രീതിയില്‍ കറന്‍സി മാറ്റം നടന്നിട്ടില്ല. എല്ലാവരും ഡിജിറ്റല്‍ ഇടപാടുകളെ പ്രോത്സാഹിപ്പിക്കാന്‍ തുടങ്ങിയതോടെ ഇത് വളര്‍ച്ചാ നിരക്ക് ഉയര്‍ത്താന്‍ സഹായിക്കുമെന്നും ജെയ്റ്റ് പറഞ്ഞു. ലണ്ടന്‍ സ്‌കൂള്‍ ഓഫ് ഇക്കണോമിക്‌സില്‍ സംസാരിക്കുകയായിരുന്നു അദ്ദേഹം.