ഗൾഫിൽ ജോലി നോക്കുന്നുണ്ടോ?, 60 ടെക്നീഷ്യൻ ഒഴിവ്; ITI മതി, അവസാന തീയതി ഒക്ടോബർ 7

യു എ ഇയിലെ പ്രമുഖ കമ്പനിയിലേക്ക് സർക്കാർ സ്ഥാപനമായ ഒഡെപെക് (ODEPC) വഴി വിവിധ ടെക്നീഷ്യൻ തസ്തികകളിൽ നിയമനം നടത്തുന്നു. സ്ട്രക്ച്ചർ ഫാബ്രിക്കേറ്റർ, സ്റ്റീൽ ഏറെക്ടർ,സ്ട്രക്ച്ചറൽ സ്റ്റീൽ പെയിന്റർ, മിഗ് വെൽഡർ, ഇൻഡസ്ട്രിയൽ പൗഡർ -കോട്ട് പെയിന്റർ തസ്തികകളിൽ ആണ് ഒഴിവ്. ആകെ 60 ഒഴിവുകളാണ് ഉള്ളത്. അപേക്ഷകൾ സമർപ്പിക്കേണ്ട അവസാന തീയതി ഒക്ടോബർ 7.

ഒഴിവുകൾ

1.സ്ട്രക്ച്ചർ ഫാബ്രിക്കേറ്റർ

• അടിസ്ഥാന ശമ്പളം: AED 2,000–2,500 (65,450 രൂപ വരെ)

• യോഗ്യത: പത്താം ക്ലാസും ഫിറ്റർ /വെൽഡർ വിഭാഗത്തിൽ ITI അല്ലെങ്കിൽ ഡിപ്ലോമ.

• പ്രവൃത്തി പരിചയം: 2 വർഷമോ അതിലധികമോ.

2. സ്റ്റീൽ ഇറക്ടർ

• അടിസ്ഥാന ശമ്പളം: AED 1,350–1,600 (ഏകദേശം 35,343–41,888 രൂപ വരെ)

• യോഗ്യത: പത്താം ക്ലാസും ഫിറ്റർ/വെൽഡർ വിഭാഗത്തിൽ ITI അല്ലെങ്കിൽ ഡിപ്ലോമ.

• പ്രവൃത്തി പരിചയം: 2 വർഷമോ അതിലധികമോ.

3. സ്ട്രക്ചറൽ സ്റ്റീൽ പെയിന്റർ

• അടിസ്ഥാന ശമ്പളം: AED 1,400–1,800 (ഏകദേശം 36,652–47,124 രൂപ വരെ)

• യോഗ്യത: പത്താം ക്ലാസും ITI അല്ലെങ്കിൽ ഡിപ്ലോമ.

• പ്രവൃത്തി പരിചയം: 2 വർഷമോ അതിലധികമോ.

4. മിഗ് വെൽഡർ

• അടിസ്ഥാന ശമ്പളം: AED 1,400–1,700 (ഏകദേശം 36,652–44,506 രൂപ വരെ)

• യോഗ്യത: പത്താം ക്ലാസും ITI അല്ലെങ്കിൽ അംഗീകൃത MIG വെൽഡിംഗ് പരിശീലന സർട്ടിഫിക്കറ്റും.

• പ്രവൃത്തി പരിചയം: 2 വർഷമോ അതിലധികമോ.

5. ഇൻഡസ്ട്രിയൽ പൗഡർ കോട്ട് പെയിന്റർ

• അടിസ്ഥാന ശമ്പളം: AED 1,800–2,500 (ഏകദേശം 47,124–65,450 രൂപ വരെ)

• യോഗ്യത: പത്താം ക്ലാസും ITI അല്ലെങ്കിൽ ഇൻഡസ്ട്രിയൽ പെയിന്റിംഗ് മേഖലയിലെ അംഗീകൃത സർട്ടിഫിക്കറ്റ് കോഴ്സും.

• പ്രവൃത്തി പരിചയം: 2 വർഷമോ അതിലധികമോ.

മറ്റ് ആനുകൂല്യങ്ങൾ

• തിരഞ്ഞെടുക്കപ്പെടുന്നവർക്ക് രണ്ട് വർഷത്തെ കരാർ അടിസ്ഥാനത്തിലാണ് ജോലി.

• ദിവസവും 9 മണിക്കൂറാണ് ഡ്യൂട്ടി സമയം, ഇതിൽ ഒരു മണിക്കൂർ ബ്രേക്ക് ഉൾപ്പെടുന്നു. ആവശ്യാനുസരണം പ്രതിദിനം നാല് മണിക്കൂർ വരെ ഓവർടൈം ജോലി ചെയ്യേണ്ടി വന്നേക്കാം.

• താമസ സൗകര്യം തൊഴിലുടമ നൽകും. താമസസ്ഥലത്തുനിന്ന് ജോലിസ്ഥലത്തേക്കും തിരിച്ചുമുള്ള ഗതാഗത സൗകര്യവും ലഭിക്കും.

• കൂടാതെ പ്രതിമാസം AED 300 ഭക്ഷണ അലവൻസും നൽകും.

• മെഡിക്കൽ ഇൻഷുറൻസും തൊഴിലാളികളുടെ നഷ്ടപരിഹാര പരിരക്ഷയും ലഭ്യമാണ്.

• വിമാന ടിക്കറ്റ് ഉദ്യോഗാർഥി തന്നെ വഹിക്കണം.

• ചില സാഹചര്യങ്ങളിൽ തൊഴിലുടമ ടിക്കറ്റ് നൽകുകയും അതിന്റെ തുക ഉദ്യോഗാർഥിയുടെ ശമ്പളത്തിൽ നിന്ന് കുറയ്ക്കുകയും ചെയ്യാം.

എങ്ങനെ അപേക്ഷിക്കാം?

താൽപര്യമുള്ള ഉദ്യോഗാർഥികൾ ബയോ ഡേറ്റ, പാസ്‌പോർട്ട്, വിദ്യാഭ്യാസ യോഗ്യതാ സർട്ടിഫിക്കറ്റുകൾ എന്നിവ സഹിതം jobs@odepc.in എന്ന ഇമെയിൽ വിലാസത്തിലേക്ക് അയയ്ക്കണം.

അപേക്ഷ അയയ്ക്കുമ്പോൾ ഇമെയിലിന്റെ Subject Line-ൽ അപേക്ഷിക്കുന്ന തസ്തികയുടെ പേര് വ്യക്തമായി രേഖപ്പെടുത്തണം.

ഉദാഹരണത്തിന്, Steel Erector തസ്തികയിലേക്കാണ് അപേക്ഷിക്കുന്നതെങ്കിൽ Subject ആയി “Steel Erector” എന്ന് നൽകണം.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://odepc.kerala.gov.in/job/structural-fabricator-steel-erector-structural-steel-painter-mig-welder-industrial-powder-coat-painter-to-the-uae/2026-10-07%2000:00:00

ODEPC has invited applications for 60 technician vacancies in the UAE for the positions of Structural Fabricator, Steel Erector, Structural Steel Painter, MIG Welder and Industrial Powder-Coat Painter. Male candidates with SSLC and relevant ITI, Diploma or certified training, along with at least 2 years of experience, can apply.