ബറേലി: നോട്ടുപുസ്തകം വാങ്ങാനെത്തിയ പത്തുവയസുകാരിയെ ലൈംഗികമായി പീഡിപ്പിച്ച യുവാവ് അറസ്റ്റില്‍. ഉത്തര്‍പ്രദേശിലെ ഷഹജന്‍പൂര്‍ ജില്ലയിലെ ഉള്‍ഗ്രാമത്തിലാണ് സംഭവം. 

തിങ്കളാഴ്ച വൈകീട്ട് പുസ്തകങ്ങള്‍ വില്‍ക്കുന്ന കടയില്‍ പെണ്‍കുട്ടി നോട്ട് വാങ്ങാനായി എത്തിയതായിരുന്നു. ഈ സമയത്താണ് കടയിലെ ജീവനക്കാരന്‍ പെണ്‍കുട്ടിയെ ലൈംഗികമായി പീഡിപ്പിക്കാന്‍ ശ്രമിച്ചത്. അവിടെ നിന്നും രക്ഷപ്പെട്ടതിന് പിന്നാലെ വീട്ടിലെത്തിയ പെണ്‍കുട്ടി വിവരങ്ങള്‍ രക്ഷിതാക്കളോട് പറയുകയായിരുന്നു. തുടര്‍ന്ന് പിതാവ് പൊലീസില്‍ പരാതി നല്‍കി.

പിതാവിന്റെ പരാതിയില്‍ യുവാവിനെ പൊലീസ് അറസ്റ്റ്് ചെയ്തു. പോക്‌സോ ഉള്‍പ്പടെയുള്ള വകുപ്പുകള്‍ ചേര്‍ത്താണ് പ്രതിയെ അറസറ്റ് ചെയ്തത്. പെണ്‍കുട്ടിയുടെ മൊഴി രേഖപ്പെടുത്തിയ ശേഷം വൈദ്യപരിശോധ നടത്തിയതായും പൊലീസ് പറഞ്ഞു.