ഭോപ്പാല്: മധ്യപ്രദേശില് പട്ടാപ്പകല് ജ്വല്ലറി ഉടമയുടെ കണ്ണില് മുളകുപൊടി എറിഞ്ഞ് സ്വര്ണാഭരണം കവരാന് ശ്രമം. കടയുടെ ചുറ്റും ഉണ്ടായിരുന്ന നാട്ടുകാര് പ്രതിയെ കയ്യോടെ പിടികൂടി.
ഇന്ഡോറില് വൈകീട്ട് ആറുമണിയോടെയാണ് സംഭവം. കടയില് സ്ഥാപിച്ചിരുന്ന സിസിടിവിയില് സംഭവം പതിഞ്ഞിട്ടുണ്ട്. പ്രതി പൊലീസ് കസ്ററഡിയിലാണ്.
ലവീന് സോനി നടത്തുന്ന ജ്വല്ലറിയിലാണ് മോഷണ ശ്രമം നടന്നത്. ജ്വല്ലറിയില് കയറി ഏതാനും നിമിഷങ്ങള്ക്കകം ജ്വല്ലറി ഉടമയുടെ കണ്ണില് മുളകുപ്പൊടി എറിഞ്ഞ് രക്ഷപ്പെടാനാണ് യുവാവ് ശ്രമിച്ചത്. കൈവശം ഉണ്ടായിരുന്ന 50 ഗ്രാം സ്വര്ണവുമായി രക്ഷപ്പെടാനാണ് യുവാവ് ശ്രമിച്ചതെന്ന് പൊലീസ് പറഞ്ഞു.
കടയില് നിന്ന് രക്ഷപ്പെടുന്നതിനിടെ നാട്ടുകാരുടെ കയ്യില് അകപ്പെടുകയായിരുന്നു. ജ്വല്ലറി ഉടമയുടെ പരാതിയില് നടപടി സ്വീകരിക്കുമെന്ന് പൊലീസ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates