ന്യൂഡല്‍ഹി: ചാള്‍സ് ഡാര്‍വിന്റെ പരിണാ സിദ്ധാന്തത്തെ തളളി വീണ്ടും കേന്ദ്രമന്ത്രി സത്യപാല്‍ സിംഗ്. ചാള്‍സ് ഡാര്‍വിന്റെ പരിണാമസിദ്ധാന്തം ശാസ്ത്രീയമായി തെറ്റാണെന്ന് സത്യപാല്‍ സിങ് വാദിച്ചു. സയന്‍സ് വിദ്യാര്‍ത്ഥി എന്ന നിലയില്‍ തന്റെ പൂര്‍വികര്‍ കുരങ്ങന്മാരല്ലെന്ന് വിശ്വസിക്കുന്നതായും അദ്ദേഹം പറഞ്ഞു.

'ഞാനൊരു ശാസ്ത്ര ബിരുദധാരിയാണ്. രസതന്ത്രത്തില്‍ ഡോക്ടറേറ്റുമുണ്ട്. എനിക്കെതിരെ വിമര്‍ശനം ഉന്നയിക്കുന്നവരുടെ യോഗ്യത എന്താണ്. നാളെയല്ലെങ്കില്‍ 20 വര്‍ഷത്തിനകത്ത് ഞാന്‍ പറഞ്ഞത് ശരിയാണെന്ന് ജനങ്ങള്‍ അംഗീകരിക്കും' സത്യപാല്‍ വ്യക്തമാക്കി.ഒരു പുസ്തക പ്രകാശന ചടങ്ങില്‍ സംസാരിക്കുകയായിരുന്നു അദ്ദേഹം.

ഏതാനും മാസങ്ങള്‍ക്ക് മുമ്പ് ഡാര്‍വിന്റെ പരിണാമ സിദ്ധാന്തവുമായി ബന്ധപ്പെട്ട് സത്യപാല്‍ നടത്തിയ പ്രസ്താവന വന്‍ വിവാദമായിരുന്നു. പരിണാമ സിദ്ധാന്തം ശാസ്ത്രീയമായി തെറ്റാണെന്നും തന്റെ പൂര്‍വികര്‍ കുരങ്ങന്മാരല്ലെന്നുമായിരുന്നു മന്ത്രിയുടെ പരാമര്‍ശം.