കൊല്‍ക്കത്ത: വിമാനത്തില്‍ പുക നിറഞ്ഞതിനെത്തുടര്‍ന്ന് എമര്‍ജന്‍സി ലാന്‍ഡിങ് നടത്തി യാത്രക്കാരെ ഒഴിപ്പിച്ചു. ജയ്പുരില്‍നിന്ന് കൊല്‍ക്കത്തയില്‍ എത്തിയ ഇന്‍ഡിഗോ വിമാനത്തിലാണ് പുക നിറഞ്ഞത്. 

യാത്രയ്ക്കിടെയാണ് വിമാനത്തില്‍ പുക നിറഞ്ഞത്. സ്്‌മോക്ക് അലാം പ്രവര്‍ത്തിച്ചതിനെത്തുടര്‍ന്ന് എമര്‍ജന്‍സി ലാന്‍ഡിങ് നടത്തുകയായിരുന്നു. 

ജയ്പുരില്‍നിന്നു പുറപ്പെട്ട വിമാനത്തില്‍ കൊല്‍ക്കത്തില്‍ ഇറങ്ങുന്നതിനു തൊട്ടുമുമ്പാണ് പുക നിറഞ്ഞത്. തുടര്‍ന്ന് പൈലറ്റ് എയര്‍ട്രാഫിക് കണ്‍ട്രോളിലേക്ക് അടിയന്തര സന്ദേശം നല്‍കി.