പട്‌ന സാഹിബ്: പ്രസംഗത്തിനിടെ മുഹമ്മദലി ജിന്നയെക്കുറിച്ച് നടത്തിയ പരാമര്‍ശം നാക്കുപിഴയായിരുന്നു എന്ന് ബിഹാര്‍ പട്‌ന സാഹിബിലെ കോണ്‍ഗ്രസ് സ്ഥാനാര്‍ത്ഥി ശത്രുഘ്‌നന്‍ സിന്‍ഹ. മൗലാനാ ആസാദിനെ പറ്റിയാണ് പറയാന്‍ വന്നത്, പക്ഷേ നാക്കു പിഴച്ച് ജിന്നയെന്നായി-അദ്ദേഹം പറഞ്ഞു. 

മഹാത്മാഗാന്ധി മുതല്‍ മുഹമ്മദലി ജിന്നവരെയുള്ള എല്ലാവരും കോണ്‍ഗ്രസ് കുടുംബത്തില്‍ നിന്നുള്ളവരാണ് എന്നായിരുന്നു ശത്രുഘ്‌നന്‍ സിന്‍ഹയുടെ പരാമര്‍ശം. ഇതിനെ ബിജെപി വ്യാപകമായി പ്രചരിപ്പിച്ചിരുന്നു. പ്രസംഗം വിവാദമായതോടെ വിശദീകരണവുമായി സിന്‍ഹ എത്തുകയായിരുന്നു.