കന്യാകുമാരി: കേന്ദ്രമന്ത്രി പൊന്‍ രാധാകൃഷ്ണന്റെ വാഹനവ്യൂഹം പമ്പയില്‍ തടഞ്ഞതില്‍ പ്രതിഷേധിച്ച് നാളെ ബിജെപി ബന്ദ്. പൊന്‍ രാധാകൃഷ്ണന്റെ മണ്ഡലമായ കന്യാകുമാരി ജില്ലയിലാണ് ബിജെപി ബന്ദിന് ആഹ്വാനം ചെയ്തിരിക്കുന്നത്. രാവിലെ ആറുമുതല്‍ വൈകീട്ട് ആറുവരെയാണ് ബന്ദ്. അയ്യപ്പഭക്തന്മാരുടെ വാഹനങ്ങളെ ബന്ദില്‍ നിന്ന് ഒഴിവാക്കുമെന്ന് ബിജെപി അറിയിച്ചു.

പമ്പയിലെ കെഎസ്ആര്‍ടിസി ബസ് സ്റ്റാന്‍ഡിന് സമീപം പുലര്‍ച്ചെ ഒരു  മണിയോടെയായിരുന്നു സംഭവം. ദര്‍ശനം കഴിഞ്ഞ് മടങ്ങിയ മന്ത്രിയുടെ വാഹനവ്യൂഹത്തെയാണ് സിഐയുടെ നേതൃത്വത്തില്‍ തടഞ്ഞത്. എന്നാല്‍ ഈ പ്രചാരണം പൊലീസ് നിഷേധിച്ചിരുന്നു. മന്ത്രിയുടെ വാഹനവ്യൂഹം കടന്നുപോയി അഞ്ചുമിനിറ്റിന് ശേഷം വന്നവരെയാണ് തടഞ്ഞത് എന്ന് പൊലീസ് പറയുന്നു. മാത്രമല്ല വാഹനം തടഞ്ഞതിന് മാപ്പ് എഴുതി നല്‍കിയിട്ടില്ലെന്നും പരിശോധന റിപ്പോര്‍ട്ടാണ് നല്‍കിയതെന്നും പൊലീസ് വ്യക്തമാക്കി. 
്‌