മുംബൈ: ഭോപ്പാലിലെ ബിജെപി സ്ഥാനാര്ത്ഥി പ്രജ്ഞ സിങ് താക്കൂര് ഉള്പ്പെടെ 2008ലെ മലേഗാവ് സ്ഫോടനക്കേസിലെ എല്ലാ പ്രതികളോടും നേരിട്ട് ഹാജരാകാന് എന്ഐഎ കോടതിയുടെ നിര്ദേശം. കേസിന്റെ വാദം നടക്കുന്നതിനിടെ, ഇവരുടെ അഭാവത്തില് മുംബൈ പ്രത്യേക കോടതി അതൃപ്തി രേഖപ്പെടുത്തി. മെയ് 20നാണ് കോടതിയില് അടുത്തവാദം.
ആഴ്ചയില് ഒരു ദിവസമെങ്കിലും ഹാജരാകാനാണ് പ്രജ്ഞ സിങ് താക്കൂര് ഉള്പ്പെടെയുളള പ്രതികളോട് കോടതി ആവശ്യപ്പെട്ടിരിക്കുന്നത്. പ്രജ്ഞ സിങ് താക്കൂറിന് പുറമേ ലെഫ്റ്റനന്റ് കേണള് പ്രസാദ് പുരോഹിത് ഉള്പ്പെടെയുളള പ്രതികളോടാണ് കോടതിയില് നേരിട്ട് ഹാജരാകാന് കോടതി നിര്ദേശിച്ചിരിക്കുന്നത്. ഇവരുടെ അഭാവത്തില് അതൃപ്തി രേഖപ്പെടുത്തിയ കോടതി, അടുത്ത വാദത്തിനായി കേസ് മെയ് 20 ലേക്ക് മാറ്റി.
മാലേഗാവ് സ്ഫോടനക്കേസില് ജാമ്യത്തില് ഇറങ്ങിയ പ്രജ്ഞ സിങ് താക്കൂര് ഭോപ്പാലില് കോണ്ഗ്രസിന്റെ ദിഗ് വിജയ് സിങ്ങിനെതിരെയാണ്് മത്സരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates