മുംബൈ: പ്രധാനമന്ത്രിയാകാൻ കോൺഗ്രസ് അധ്യക്ഷൻ രാഹുൽ ഗാന്ധിയെക്കാൾ മികച്ച നേതാക്കൾ ഉണ്ടെന്ന് എൻസിപി അധ്യക്ഷൻ ശരദ് പവാർ. രാഹുൽ പ്രധാനമന്ത്രിയാകുമെന്ന മട്ടിലുള്ള സംസാരങ്ങളിൽ അടിസ്ഥാനമില്ലെന്നും പവാർ വ്യക്തമാക്കി. 

പ്രധാനമന്ത്രി സ്ഥാനത്തേക്ക് മമതാ ബാനർജി, ചന്ദ്രബാബു നായിഡു, മായാവതി എന്നിവർ രാഹുലിനെക്കാൾ അർഹരാണ്. തനിക്ക് പ്രധാനമന്ത്രി പദം ആ​ഗ്രഹമില്ലെന്നും പവാർ പറഞ്ഞു. വാർത്താ ചാനലിന് നൽകിയ അഭിമുഖത്തിലാണ് പവാർ തന്റെ നരീക്ഷണങ്ങൾ പങ്കിട്ടത്. 

തെരഞ്ഞെടുപ്പ് കഴിയുമ്പോൾ രാജ്യത്ത് പുതിയൊരു സർക്കാരിനു വേണ്ടിയുള്ള പൊതുമിനിമം പരിപാടിയുമായി പ്രതിപക്ഷ പാർട്ടികൾ കൈകോർക്കും. എൻഡിഎയിലെ ചില പാർട്ടികളെ കൂടി സഖ്യത്തിൽ ചേർക്കുമെന്നും അദ്ദേഹം സൂചന നൽകി.