ഹൈദ്രാബാദ് : ഫീസ് അടയ്ക്കാത്തതിനാല്‍ പരീക്ഷയ്ക്കിടയില്‍ ക്ലാസില്‍ നിന്ന് ഇറക്കിവിട്ട 14കാരി തൂങ്ങി മരിച്ച നിലയില്‍. ഇന്നലെ വൈകിട്ട് ഹൈദ്രാബാദിലെ മല്‍കജ്ഗിരിയിലാണ് പെണ്‍ക്കുട്ടിയെ കെട്ടിതൂങ്ങിയ നിലയില്‍ കണ്ടെത്തിയത്. വീട്ടിലെ ഫാനില്‍ തൂങ്ങികിടക്കുന്ന നിലയിലാണ് കുട്ടിയെ കണ്ടെത്തിയത്. കുട്ടിയുടെ അരികില്‍ നിന്ന് ഒരു കത്തും പോലീസ് കണ്ടെത്തി.
'അവര്‍ എന്നെ പരീക്ഷയെഴുതാന്‍ സമ്മതിച്ചില്ല. സോറി അമ്മ', കുട്ടിക്കരികില്‍ നിന്ന് ലഭിച്ച പേപ്പറില്‍ എഴുതിയിരുന്നതിങ്ങനെ.
ഒമ്പതാം ക്ലാസ് വിദ്യാര്‍ത്ഥിയായിരുന്ന കുട്ടിയെ പൊതുവായി അപമാനിക്കുകയും ക്ലാസില്‍ നിന്ന് ഇറങ്ങിപോകാന്‍ ആവശ്യപ്പെടുകയുമായിരുന്നെന്ന് കുട്ടിയുടെ മാതാപിതാക്കള്‍ പറയുന്നു. സ്‌കൂള്‍ അധികൃതര്‍ തന്റെ പേര് വിളിച്ചുപറഞ്ഞ് ക്ലാസില്‍ നിന്ന് ഇറങ്ങിപോകാന്‍ ആവശ്യപ്പെട്ടപ്പോള്‍ നാണക്കേട് തോന്നിയെന്ന് സംഭവത്തിന് ശേഷം വീട്ടിലെത്തിയ പെണ്‍കുട്ടി സഹോദരിയോട് പറഞ്ഞിരുന്നു. മാതാപിതാക്കളുടെ പരാതിയുടെ അടിസ്ഥാനത്തില്‍ സ്‌കൂള്‍ അധികൃതര്‍ക്കെതിരെ പോലീസ് കേസ് ചാര്‍ജ്ജ് ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates