മുംബൈ: ബസിനുള്ളില് വച്ച് പാന്റ്സിന്റെ സിബ്ബഴിച്ച് യുവതിയെ അപമാനിക്കാന് ശ്രമിച്ച 22 കാരന് അറസ്റ്റില്. മുംബൈയിലെ ബിഇഎസ്ടി ബസിനുള്ളില് വച്ച് വെള്ളിയാഴ്ചയാണ് സംഭവം അരങ്ങേറിയത്. രാജേന്ദ്ര പാട്ടീലെന്ന 22കാരനാണ് പൊലീസിന്റെ പിടിയിലായത്.
തിരക്കുള്ള ബസില് വച്ചാണ് ഇയാള് യുവതിയുടെ പിന്നില് നിന്ന് അപമാനിക്കാന് ശ്രമിച്ചത്. ആദ്യം തിരക്കു മൂലമാണ് പ്രശ്നമുണ്ടായതെന്ന് യുവതി കരുതി. എന്നാല്, പിന്നീടും ശല്യം തുടര്ന്നതോടെ യുവതി ശ്രദ്ധിക്കാന് തുടങ്ങി.
ബസില് തിരക്കൊഴിഞ്ഞിട്ടും യുവതിയുടെ പിന്നില് നിന്ന് മാറി നില്ക്കാന് യുവാവ് കൂട്ടാക്കിയില്ല. യുവതിയുടെ ശരീരത്ത് സ്പര്ശിക്കാന് തുടങ്ങിയതോടെ അവര് താക്കീത് നല്കി.
എന്നാല്, യുവാവ് സിബ്ബഴിച്ചാണ് തന്റെ പിന്നില് നില്ക്കുന്നതെന്ന് മനസ്സിലാക്കിയ യുവതി ഇയാളെ മര്ദ്ദിക്കുകയും ആളുകളെ വിളിച്ചുകൂട്ടുകയും ചെയ്തു. തിരക്കുള്ള ബസില് കയറി പതിവായി സ്ത്രീകളെ ശല്ല്യം ചെയ്യുന്നയാളാണ് പ്രതിയെന്ന് പൊലീസ് വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates