ബംഗലൂരു: നിയമസഭയിലിരുന്ന് അശ്ലീല വീഡിയോ കണ്ടുവെന്ന ചീത്തപ്പേര് നിലനില്‍ക്കുന്ന കര്‍ണ്ണാടക നിയമസഭയിലെ ഒരംഗം വാട്ട്‌സാപ്പ് ഗ്രൂപ്പിലേക്ക് അയച്ചത് 50 അശ്ലീല ചിത്രങ്ങള്‍. പോലീസ് ഓഫീസര്‍മാര്‍, എം.പിമാര്‍, സ്ത്രീഉദ്യോഗസ്ഥര്‍, ആക്ടിവിസ്റ്റുകള്‍, ജേണലിസ്റ്റുകള്‍ ഉള്‍പ്പെടെയുള്ള വാട്ട്‌സാപ്പ് ഗ്രൂപ്പിലേക്കാണ് ബി.ജെ.പി. എംഎല്‍എയായ മഹന്റേഷ് കവാത്താഗിമത്ത് അശ്ലീല ചിത്രങ്ങള്‍ അയച്ചത്.
ബെല്‍ഗാവി മീഡിയ ഫോഴ്‌സ് എന്ന ഗ്രൂപ്പില്‍ സംസ്ഥാനത്തെ വാര്‍ത്തകള്‍ ഷെയര്‍ ചെയ്യപ്പെട്ടിടത്താണ് പൊടുന്നനെ എംഎല്‍എയുടെ വക അശ്ലീല ചിത്രങ്ങള്‍ ഷെയര്‍ ചെയ്യപ്പെട്ടത്. എംഎല്‍എയുടെ പോസ്റ്റ് കണ്ടപ്പോഴേ ചിലര്‍ ഗ്രൂപ്പില്‍നിന്നും ഒഴിവായിപ്പോയി. ചിലര്‍ ശക്തമായിത്തന്നെ പ്രതികരിച്ചു. ഇതൊക്കെയായപ്പോഴാണ് ഗ്രൂപ്പ് അഡ്മിന്‍ കവാത്തഗിമത്തിനെ ഒഴിവാക്കിയത്.
ഇക്കാര്യത്തില്‍ പ്രതികരിക്കാന്‍ എംഎല്‍എ തയ്യാറായിട്ടില്ല. മൊബൈല്‍ഫോണ്‍ സ്വിച്ച് ഓഫ് ചെയ്തിരിക്കുകയാണ്. പോലീസ് ഓഫീസര്‍മാര്‍ അടക്കമുള്ള ഗ്രൂപ്പിലേക്ക് ഇത്തരം സന്ദേശങ്ങള്‍ അയച്ചതിന് പോലീസിന് നേരിട്ട് കേസെടുക്കാവുന്നതാണ്. പക്ഷെ, ഇത്തരം നടപടികളിലേക്ക് പോയിട്ടില്ലെന്നാണ് ഇതുവരെയുള്ള അറിവ്.
2012ലാണ് മൂന്ന് മന്ത്രിമാര്‍ നിയമസഭയില്‍വെച്ച് അശ്ലീലവീഡിയോ കണ്ടതിന്റെ പേരില്‍ കര്‍ണ്ണാടക നിയമസഭയ്ക്ക് കളങ്കമുണ്ടാക്കിയത്. സ്ത്രീകളടക്കമുള്ള സര്‍ക്കാര്‍ ഓഫീസുകളില്‍ ഇതൊക്കെ പതിവാണെന്നായിരുന്നു അടുത്തിടെ ഒരു മന്ത്രി വെളിപ്പെടുത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates