ചണ്ഡീഗഡ് : ഭക്ഷണം ലഭിക്കുന്നില്ലെന്ന് ആരോപിച്ച് കോവിഡ് രോഗികളുടെ പ്രതിഷേധം. പഞ്ചാബിലാണ് സംഭവം.  രോഗികള്‍ ആശുപത്രികെട്ടിടത്തിന്റെ മുകളില്‍ കയറി നിന്ന് ആത്മാഹുതി ഭീഷണി മുഴക്കിയാണ് പ്രതിഷേധിച്ചത്. 

പഞ്ചാബ് എഎപി എംഎല്‍എ അഡ്വ. ഹര്‍പാല്‍ സിങ് ചീമയാണ് പ്രതിഷേധത്തിന്റെ ദൃശ്യങ്ങള്‍ ട്വീറ്റ് ചെയ്തത്. മുഖ്യമന്ത്രി അമരീന്ദര്‍ സിങ്, ഇതാമോ നിങ്ങളുടെ കോവിഡ് മാനേജ്‌മെന്റ് എന്ന് ചീമ ചോദിക്കുന്നു. 

രോഗികള്‍ ആശുപത്രികളില്‍ എത്തുന്നത് ജീവന്‍ രക്ഷിക്കാനാണ്. അവരോട് ഇത്തരത്തില്‍ പെരുമാറരുത്. ഇവര്‍ക്ക് ഭക്ഷണവും മെച്ചപ്പെട്ട പരിചരണവും നല്‍കാന്‍ കഴിയില്ലെങ്കില്‍ സ്ഥാനമൊഴിയണമെന്നും ഹര്‍പാല്‍ സിങ് ചീമ ആവശ്യപ്പെടുന്നു.