ന്യൂഡല്‍ഹി : സ്വതന്ത്ര്യദിനാഘോഷ ചടങ്ങില്‍ ഭാരത് മാതാ കീ ജയ് വിളികള്‍ക്കൊപ്പം ഇന്‍ക്വിലാബ് സിന്ദാബാദും വിളിച്ച് മുഖ്യമന്ത്രി. ഡല്‍ഹി മുഖ്യമന്ത്രി അരവിന്ദ് കെജരിവാളാണ് ഇങ്ങനെ മുദ്രാവാക്യം വിളിച്ചത്. ഡല്‍ഹി സെക്രട്ടേറിയറ്റില്‍ കെജരിവാള്‍ ദേശീയ പതാക ഉയര്‍ത്തി.
തുടര്‍ന്ന് സ്വാതന്ത്ര്യദിന പ്രസംഗം നടത്തുന്നതിന് മുന്നോടിയായിട്ടാണ് മുദ്രാവാക്യം വിളിച്ചത്. ഭാരത് മാതാ കീ ജയ്, ഇന്‍ക്വിലാബ് സിന്ദാബാദ്, വന്ദേമാതരം എന്നീ മുദ്രാവാക്യങ്ങളാണ് അരവിന്ദ് കെജരിവാള്‍ ഉയര്‍ത്തിയത്. മന്ത്രിമാര്‍ അടക്കം നിരവധി പ്രമുഖര്‍ ചടങ്ങില്‍ സന്നിഹിതരായിരുന്നു.
രാജ്യത്തിന് വേണ്ടി ജീവന്‍ ബലിയര്‍പ്പിച്ച സൈനികരെ കെജരിവാള്‍ അനുസ്മരിച്ചു. ചൈനയുമായി ഉണ്ടായ സംഘര്‍ഷത്തില്‍ 20 ജവാന്മാരാണ് വീരമൃത്യു വരിച്ചത്. കോവിഡ് മഹാമാരി ഡല്‍ഹിയില്‍ നിയന്ത്രണവിധേയമായതായും, അതിന് ജനങ്ങളെ അഭിനന്ദിക്കുന്നതായും അരവിന്ദ് കെജരിവാള്‍ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates