സാംബാല്‍ : സമാജ് വാദി പാര്‍ട്ടി നേതാവ് ഭാര്യയുടെ കാമുകന്റെ വെടിയേറ്റ് മരിച്ചു. ഉത്തര്‍പ്രദേശിലെ സംബാലിലാണ് സംഭവം. എസ്പി നേതാവ് ജഗദീഷ് മാലി (35) ആണ് മരിച്ചത്. 

ജഗദീഷിന്റെ ഭാര്യയുടെ കാമുകനായ ദിലീപാണ് വെടിയുതിര്‍ത്തതെന്ന് പൊലീസ് സൂപ്രണ്ട് യമുന പ്രസാദ് പറഞ്ഞു. നയി ബസ്തി മേഖലയില്‍ വെച്ച് ജഗദീഷും ദിലീപും തമ്മില്‍ വാക്കേറ്റമുണ്ടാകുകയായിരുന്നു. സംഘര്‍ഷത്തിനിടെ ദിലീപ് തോക്കെടുത്ത് മാലിയെ വെടിവെക്കുകയായിരുന്നു. ജഗദീഷ് മാലി സംഭവസസ്ഥലത്തുവെച്ചു തന്നെ മരിച്ചു. 

സംഭവത്തില്‍ ജഗദീഷ് മാലിയുടെ ഭാര്യയ്ക്കും പങ്കുള്ളതായി പൊലീസ് സൂചിപ്പിച്ചു.  ഇവരെ പൊലീസ് അറസ്റ്റ് ചെയ്തു. ആക്രമണത്തിന് പിന്നാലെ ഒളിവില്‍ പോയ ദിലീപിനായി അന്വേഷണം ഊര്‍ജ്ജിതമാക്കിയതായി എസ്പി യമുന പ്രസാദ് പറഞ്ഞു.