ശ്രീനഗര്‍:  ഇത്തവണ ശ്രീനഗറിലെ ബഡ്ഗാം മണ്ഡലത്തിലെ ഉപതെരഞ്ഞടുപ്പിലാണ് മുന്‍മുഖ്യമന്ത്രി ഫാറുഖ് അബ്ദുള്ള ജനവിധി തേടുന്നത്. പത്രികാ സമര്‍പ്പണത്തില്‍ ഭാര്യയുടെ ആസ്തി രേഖപ്പെടുത്താനുള്ള കോളത്തിന് നേരെ ഭാര്യയുടെ സ്വത്തുവിവരങ്ങള്‍ അറിയില്ലെന്നാണ്‌ സത്യവാങ് മൂലം നല്‍കിയത്. 81 കാരനായ ഫാറൂഖ് അബ്ദുള്ള മൂന്ന് തവണ ജമ്മു- കശ്മീര്‍ മുഖ്യമന്ത്രിയും മുന്‍കേന്ദ്രമന്ത്രിയുമായിരുന്നു. 

ഫാറൂഖ് അഹമ്മദിന്റെ ഭാര്യമോളി അബ്ദുള്ള  1990 മുതല്‍ ലണ്ടനിലാണ് താമസം. ഭാര്യയുടെ ലണ്ടനിലെയെ ആസ്തിയെ കുറിച്ച് തനിക്ക് വിവരങ്ങള്‍ അറിയില്ലെന്നും. അവരുടെ പേരില്‍ ജമ്മുകശ്മീരില്‍ സ്വത്തുവിവരങ്ങള്‍ ഒന്നുമില്ലെന്നായിരുന്നു സത്യവാങ്മൂലത്തില്‍ ഫാറുഖ് രേഖപ്പെടുത്തിയത്. തന്റെ പേരില്‍ സ്ഥാവര സ്വത്തായി 1.68 കോടിയും ജംഗര സ്വത്തായി 12.50 കോടിയുമാണ് ഉളളത്. മോളി ലണ്ടനില്‍ നഴ്‌സിങിന് പഠിക്കുന്നതിനിടെ 1960ലാണ് ഫാറൂഖ് അബ്ദുള്ളയുടെ വിവാഹം.