തിരുവണ്ണാമലൈ: ഭാര്യയുമായി പിണങ്ങിയതിന്റെ പേരില്‍ 300 അടി ഉയരമുള്ള കെട്ടിടത്തിന് മുകളില്‍ നിന്ന് ചാടി യുവാവ് ജീവനൊടുക്കി. അതുവമ്പാടി സ്വദേശിയായ രമേഷ്(32) ആണ് മരിച്ചത്. അഞ്ച് മണിക്കൂറോളം നീണ്ട നാടകീയ രംഗങ്ങള്‍ക്കൊടുവിലാണ് യുവാവ് ആത്മഹത്യ ചെയ്തത്. അര്‍ണി ടവറിലെ ഇലക്ട്രിസിറ്റി ഓഫീസിന് മുകളില്‍ കയറി നിന്ന യുവാവിനെ പലരും അനുനയിപ്പിക്കാന്‍ ശ്രമിച്ചെങ്കിലും വഴങ്ങിയില്ല. 

 ഭാര്യയുടെ ചാരിത്ര്യത്തെ ചൊല്ലിയുണ്ടായ തര്‍ക്കമാണ് രമേഷിന്റെ ജീവനെടുത്തത്. ഫയര്‍ഫോഴ്‌സും മറ്റ് ജീവന്‍രക്ഷാ പ്രവര്‍ത്തകരും എത്തിയെങ്കിലും ഇയാളുടെ ഭീഷണി കാരണം തിരികെ ഇറങ്ങി. ഇതോടെ കെട്ടിടത്തിന് മുകളില്‍ നിന്നും ഇയാള്‍ താഴേക്ക് ചാടുകയായിരുന്നുവെന്നാണ് പൊലീസ് പറയുന്നത്. സംഭവസ്ഥലത്ത് വച്ച് തന്നെ രമേഷ് മരിച്ചു. സംഭവത്തില്‍ കേസ് രജിസ്റ്റര്‍ ചെയ്ത് അന്വേഷണം ആരംഭിച്ചുവെന്ന് പൊലീസ് പറയുന്നു.