ന്യൂഡല്ഹി : പുല്വാമ ഭീകരാക്രമണത്തിന് ശക്തമായ തിരിച്ചടി നല്കി ഇന്ത്യ. പാക് അതിര്ത്തി ലംഘിച്ച് അകത്തു കടന്ന ഇന്ത്യന് യുദ്ധവിമാനങ്ങള് അധീന കാശ്മീരിലെ ഭീകരക്യാമ്പ് തകര്ത്തു. പുലര്ച്ചെ മൂന്നരയ്ക്കായിരുന്നു ആക്രമണം നടത്തിയത്.
12 മിറാഷ് 2000 യുദ്ധ വിമാനങ്ങളാണ് ഓപ്പറേഷനില് പങ്കെടുത്തത്. ആയിരം കിലോ ബോംബ് ഭീകരക്യാമ്പുകളില് ഇന്ത്യ വര്ഷിച്ചു. ഭീകരക്യാമ്പ് പൂര്ണമായും തകര്ത്തുവെന്നും വ്യോമസേന അറിയിച്ചു.
ഇന്ത്യന് ആക്രമണം ഉണ്ടായതിനെ തുടര്ന്ന് പാക് സൈന്യം ചെറുക്കാന് ശ്രമിക്കുന്നതിനിടെ ഇന്ത്യന് വിമാനങ്ങള് സുരക്ഷിതമായി രാജ്യത്തേക്ക് തിരിച്ചുപോന്നു. മിന്നലാക്രമണത്തിന്റെ പശ്ചാത്തലത്തില് അതിര്ത്തിയില് ഇന്ത്യ സുരക്ഷ ശക്തമാക്കിയിട്ടുണ്ട്. അതിര്ത്തി ഗ്രാമങ്ങളിലുള്ള ജനങ്ങളോട് താമസം മാറാന് തയ്യാറായിരിക്കാന് നേരത്തെ തന്നെ നിര്ദേശം നല്കിയിരുന്നു.
ഇന്ത്യന് വിമാനങ്ങള് അതിര്ത്തി ലംഘിച്ചെന്ന് പാക് സൈനിക വക്താവ് ആരോപിച്ചിരുന്നു. ബലാകോട്ടില് സ്ഫോടക വസ്തുക്കള് വര്ഷിച്ചെന്നും എന്നാല് ആളപായമോ, നാശനഷ്ടമോ ഉണ്ടായിട്ടില്ലെന്നും പാക് സൈനിക വക്താവ് മേജര് ജനറല് അസിഫ് ഗഫൂര് ട്വിറ്ററിലൂടെ അറിയിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates