ന്യൂഡല്‍ഹി: വരുന്ന ബിഹാര്‍ നിയമസഭ തെരഞ്ഞെടുപ്പില്‍ പ്രചാരണത്തിന് നേതൃത്വം നല്‍കുന്ന നേതാക്കളുടെ പട്ടിക കോണ്‍ഗ്രസ് പുറത്തുവിട്ടു. എഐസിസി അധ്യക്ഷ സോണിയ ഗാന്ധി, മുന്‍ പ്രധാനമന്ത്രി മന്‍മോഹന്‍ സിങ്, രാഹുല്‍ ഗാന്ധി, പ്രിയങ്ക ഗാന്ധി ഗുലാം നബി ആസാദ്, സച്ചിന്‍ പൈലറ്റ് എന്നിവര്‍ ഉള്‍പ്പെടെ മുപ്പത് പേരുടെ പട്ടികയാണ് കോണ്‍ഗ്രസ് തെരഞ്ഞെടുപ്പ് കമ്മീഷന് നല്‍കിയിരിക്കുന്നത്.
രാജസ്ഥാനില്‍ നേതൃത്വവുമായി ഉടലെടുത്ത പ്രശ്‌നങ്ങള്‍ അവസാനിപ്പിച്ച് കോണ്‍ഗ്രസ് ക്യാമ്പിലേക്ക് തിരിച്ചെത്തിയതിന് ശേഷം സച്ചിന്‍ പൈലറ്റിന് പാര്‍ട്ടി ഏല്‍പ്പിക്കുന്ന പ്രധാന ദൗത്യമാണ് ബിഹാര്‍ നിയമസഭ തെരഞ്ഞെടുപ്പ് പ്രചാരണം.
അശോക് ഹെഗ്‌ലോട്ട്. രണ്‍ദീപ് സിങ് സുര്‍ജേവാല, അമരീന്ദര്‍ സിങ്, ഭൂപേഷ് ബാഗേല്‍ എന്നിവരും ലിസ്റ്റിലുണ്ട്. ഒക്ടോബര്‍ 28, നവംബര്‍ മൂന്ന്, ഏഴ് തീയതികളിലായാണ് തെരഞ്ഞെടുപ്പ് നടക്കുന്നത്. നവംബര്‍ പത്തിനാണ് ഫലപ്രഖ്യാപനം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates