സാത്‌ന: മധ്യപ്രദേശിലെ സാത്‌നയില്‍ സ്‌കൂള്‍ വാനും ബസും കൂട്ടിയിടിച്ച് എട്ട് മരണം. വാനിലുണ്ടായിരുന്ന ഏഴ് കുട്ടികളും ഡ്രൈവറുമാണ് കൊല്ലപ്പെട്ടത്. ഏട്ട് പേര്‍ക്ക് പരിക്കേറ്റതായും റിപ്പോര്‍ട്ടുകളുണ്ട്. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. ബിര്‍സിങ്പൂരിലെ ലക്കി കോണ്‍വെന്റ് സ്‌കൂളിലെ വിദ്യാര്‍ത്ഥികളാണ് അപകടത്തില്‍പ്പെട്ടത്. 

സംഭവത്തില്‍ മുഖ്യമന്ത്രി ശിവരാജ് സിങ് ചൗഹാന്‍ അനുശോചനം അര്‍പ്പിച്ചു. സാത്‌നയിലെ അപകടം അങ്ങേയറ്റം ദുഃഖകരമാണെന്നും പൊലീസും മറ്റ് സുരാക്ഷ ഉദ്യോഗസ്ഥരും സംഭവസ്ഥലത്തെത്തിയിട്ടുണ്ടെന്നും അടിയന്തരമായി വേണ്ട നടപടികള്‍ സ്വീകരിക്കുമെന്നും അദ്ദേഹം പറഞ്ഞു.