പനാജി: ഗോവ മുഖ്യമന്ത്രി മനോഹര്‍ പരീക്കർ അര്‍ബുദ ബാധിതനാണെന്ന് സര്‍ക്കാര്‍ സ്ഥിരീകരണം. പരീക്കറിന് പാന്‍ക്രിയാസില്‍ അര്‍ബുദമാണെന്നാണ് വെളിപ്പെടുത്തൽ. ആരോഗ്യമന്ത്രി വിശ്വജിത് റാണെയാണ് ഇക്കാര്യം അറിയിച്ചത്. 

മുഖ്യമന്ത്രിയുടെ അസുഖത്തെക്കുറിച്ച് മാസങ്ങളായി തുടരുന്ന അഭ്യൂഹങ്ങള്‍ക്കാണ് ഇതോടെ വിരാമമാകുന്നത്. 'പരീക്കര്‍ ഗോവ മുഖ്യമന്ത്രിയാണ്, അദ്ദേഹം അസുഖബാധിതനാണ് എന്നതാണ് വസ്തുത. പാന്‍ക്രിയാസില്‍ അര്‍ബുദ ബാധിതനാണ്', വിശ്വജിത് റാണെ പുറത്തുവിട്ട പ്രസ്താവനയിൽ പറയുന്നു.ഒന്നും ഒളിച്ചുവയ‌്ക്കാനില്ലെന്നും അദ്ദേഹം വീട്ടിൽ വിശ്രമത്തിലാണെന്നും വിശ്വജിത‌് റാണെ പറഞ്ഞു.