ന്യൂഡെല്‍ഹി: ഇംഗ്ലണ്ടിലെ മാഞ്ചസ്റ്റര്‍ സിറ്റിയില്‍ സംഗീത പരിപാടിക്കിടെയുണ്ടായ സ്‌ഫോടനത്തെ അപലപിച്ചു കൊണ്ട് പ്രധാനമന്ത്രി നരേന്ദ്ര മോദിയുടെ ട്വീറ്റിനെതിരേ പ്രതിഷേധം. ഇംഗ്ലണ്ടിലെ മാഞ്ചസ്റ്ററിലുണ്ടായ സ്‌ഫോടനത്തെ അപലപിക്കാന്‍ തയാറായ മോദി ഡെല്‍ഹിയും ജാര്‍ഖണ്ഡിലും നടക്കുന്ന ക്രൂര കൊലപാതകങ്ങള്‍ കണ്ടില്ലെന്ന് നടിക്കുകയാണെന്ന് മോദിയുടെ ട്വീറ്റിനു താഴെ വരുന്ന മറുപടികള്‍.

രാജ്യത്തിന്റെ വിവിധ ഭാഗങ്ങളില്‍ മുസ്ലിം, ദളിത് വിഭാഗങ്ങള്‍ക്കെതിരേ പശു സംരക്ഷകരുടെ നേതൃത്വത്തില്‍ നിരവധി ആക്രമണങ്ങളാണ് റിപ്പോര്‍ട്ട് ചെയ്തിരിക്കുന്നത്. ഈ സമയത്തൊക്കെയും മൗനം പാലിച്ച പ്രധാനമന്ത്രി ബ്രിട്ടണിലുള്ള സ്‌ഫോടനത്തെ കുറിച്ച് അപലപിച്ചത് ശരിയായില്ലെന്നാണ് ടീറ്റുകള്‍ പറയുന്നത്.