സൂറത്ത്: ഈ പ്രണയ ദിനത്തില് വ്യത്യസ്തമായ ഒരു പ്രതിജ്ഞയ്ക്ക് തുടക്കം കുറിക്കാന് പോകുകയാണ് ഗുജറാത്തിലെ ഒരു കൂട്ടം വിദ്യാര്ത്ഥികള്. വളര്ത്തി വലുതാക്കിയ രക്ഷിതാക്കളുടെ സമ്മതമില്ലാതെ പ്രണയ വിവാഹങ്ങള് കഴിക്കില്ലെന്ന പ്രതിജ്ഞയുമായാണ് സൂറത്തിലെ ഈ വിദ്യാര്ത്ഥികള് രംഗത്തെിയിരിക്കുന്നത്. സൂറത്തിലെ 12 സ്കൂളില് നിന്നും ഏകദേശം 10,000 വിദ്യാര്ത്ഥികളാണ് പരിപാടിയില് പങ്കെടുക്കുക.മതാപിതാക്കളുടെ സമ്മത പ്രകാരം മാത്രമേ വിവാഹം കഴിക്കുള്ളുവെന്ന പ്രതിജ്ഞ വിദ്യാര്ത്ഥികള് പരിപാടിയില് ചൊല്ലും.
അടുത്തിടെയായി അനേകം യുവാക്കള്. പ്രണയത്തിലാവുകയും വിവാഹിതരാകാന് വീട്ടുകാരുടെ സമ്മതമില്ലാതെ തീരുമാനമെടുക്കുകയും ചെയ്യുന്നു. പലരും വീടുകളില് നിന്ന് ഒളിച്ചോടിയാണ് വിവാഹിതരാകുന്നത്. എന്നാല് അത്തരം ബന്ധങ്ങള് ചുരുങ്ങിയ കാലത്തേക്ക് മാറുന്നു. ജീവിതത്തിന്റെ അത്തരമൊരു വലിയ തീരുമാനമെടുക്കുമ്പോള് മാതാപിതാക്കളുടെ മാര്ഗനിര്ദേശത്തിന്റെ പ്രാധാന്യം വിദ്യാര്ത്ഥികള് എത്തിക്കുകയാണ് പരിപാടിയുടെ ഉദ്ദേശ്യം- സംഘാടകര് പറയുന്നു.
സൂറത്തിലെ പ്രധാന സ്കൂളുകളായ സന്സാര്ഭാരതി, പ്രെസിഡന്സി ഹൈസ്കൂള്, സാന്സ്കര്കുഞ്ച് ഗ്യാന്പിത്ത്, സ്വാമിനാരായണ് എം.വി വിദ്യാലയ, സണ് ഗ്രേസ് വിദ്യാലയ,നവചേത്ന വിദ്യാലയ, ജ്ഞാന് ഗംഗ വിദ്യാലയ എന്നിവിടങ്ങളിലാണ് പരിപാടി നടക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates