മുംബൈ: മാസ്ക് ധരിക്കാത്തതിന് യുവാക്കളെ ചോദ്യം ചെയ്ത യുവനടിയെ ഭീഷണിപ്പെടുത്തിയ സംഭവത്തില് രണ്ടുപേര് അറസ്റ്റില്. മുംബൈയിലെ അന്ധേരിയിലെ സൂപ്പര് മാര്ക്കറ്റിലെത്തിയപ്പോഴാണ് യുവാക്കള് മാസ്ക് ധരിക്കാതെ കണ്ടത്. തുടര്ന്നായിരുന്നു നടിയുടെ ഇടപെടല്.
മുംബൈ സ്വദേശികളായ 28 കാരനും 20 കാരനുമാണ് അറസ്റ്റിലായത്. മാസ്ക് ധരിക്കാത്തത് നടിയും സുഹൃത്തും ചോദ്യം ചെയ്തതിന് പിന്നാലെ ഇവര് ഭീഷണിപ്പെടുത്തുകയും ആക്ഷേപിക്കുകയുമായിരുന്നു. ഉച്ചയ്ക്ക് ഒരുമണിയോടെയായിരുന്നു സംഭവം.
സൂപ്പര്മാര്ക്കറ്റിലെത്തിയ നടിയും സുഹൃത്തും സാമൂഹിക അകലം പാലിച്ച് നില്ക്കുന്നതിനിടെ യുവാക്കള് സാമൂഹിക അകലമോ മാസ്കോ ധരിക്കാതെ ഇവര്ക്ക് സമീപം നില്ക്കുകയായിരുന്നു. മുന്കൂട്ടി അടയാളപ്പെടുത്തിയ സ്ഥലത്ത് നില്ക്കാനും മാസ്ക് ധരിക്കാനും ഇവര് ആവശ്യപ്പെട്ടു. ഇതിന് പിന്നാലെ യുവാക്കള് ഇവരോട് തട്ടിക്കയറുകയായിരുന്നു. യുവാക്കളിലൊരാള് അയാളുടെ സുഹൃത്തിനെ ഫോണില് വിളിക്കുകയും നിങ്ങള് പുറത്തുപോകുന്നത് എങ്ങനെയെന്ന് കാണാമെന്ന് ഭീഷണിപ്പെടുത്തുകയുമായിരുന്നെന്ന് പൊലീസ് പറയുന്നു
യുവാക്കളുടെ മോശമായ പെരുമാറ്റത്തെ തുടര്ന്ന് നടി പൊലീസ് കണ്ട്രോള് റൂമില് വിളിച്ച് പരാതി പറയുകയായിരുന്നു. ഉടന് തന്നെ പൊലീസ് എത്തി യുവാക്കളെ അറസ്റ്റ് ചെയ്യുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates