മുംബൈ: വാണിജ്യതലസ്ഥാനമായ മുംബൈയില്‍ തീപിടിത്തം. ടെലികോം കമ്പനിയായ എംടിഎന്‍എല്‍ പ്രവര്‍ത്തിക്കുന്ന കെട്ടിടത്തിലാണ് തീപിടിത്തമുണ്ടായത്. 100 പേര്‍ കുടുങ്ങിക്കിടക്കുന്നതായാണ് റിപ്പോര്‍ട്ടുകള്‍. നാലുപേരെ രക്ഷപ്പെടുത്തി. രക്ഷാപ്രവര്‍ത്തനം പുരോഗമിക്കുന്നു.

മുംബൈയിലെ ബാന്ദ്രയിലാണ് സംഭവം. എംടിഎന്‍എല്‍ പ്രവര്‍ത്തിക്കുന്ന ഒന്‍പതുനില കെട്ടിടത്തിന്റെ മൂന്നും നാലും നിലയിലാണ് തീപിടിത്തമുണ്ടായത്.കെട്ടിടത്തിന് തീപിടിച്ചത് അറിഞ്ഞ് 14 ഫയര്‍ എന്‍ജിനുകളാണ് സ്ഥലത്തെത്തിയിരിക്കുന്നത്. തീ അണയ്ക്കുന്നതിനുളള തീവ്രശ്രമമാണ് നടക്കുന്നത്. 

നാലാം ഗണത്തില്‍പ്പെട്ട തീപിടിത്തമാണ് ഉണ്ടായിരിക്കുന്നത്. കുടുങ്ങിക്കിടക്കുന്നവരെ പുറത്ത് എത്തിക്കുന്നതിനുളള ശ്രമങ്ങളാണ് തുടരുന്നത്.