ന്യുഡല്‍ഹി: മുതിര്‍ന്ന മാധ്യമപ്രവര്‍ത്തകമും എന്‍ഡി ടിവി മേധാവിയുമായ പ്രണോയ് റോയുടെ വീട്ടില്‍ സിബിഐ റെയ്ഡ്. വിദേശ നിക്ഷേപം സ്വീകരരിച്ചത് സംബന്ധിച്ചാണ് റെയ്ഡ് നടത്തിയത്.ഇവരുടെ ഡല്‍ഹിയിലെ വീട്ടിലാണ് റെയ്ഡ് നടത്തിയത്. പ്രണോയ് റോയിക്കും ഭാര്യ രാധിക റോയിക്കും എതിരെ സിബിഐ കേസെടുത്തു. ഇവരുള്‍പ്പെടെ നാലുപേര്‍ക്കെതിരെയാണ് കേസെടുത്തിരിക്കുന്നത്. വിദേശ വിനിമയ ചട്ടലംഘനത്തിനും സ്വകാര്യ ബാങ്കില്‍ നിന്നെടുത്ത വായ്പ്പ തിരിച്ചടയ്ക്കാത്തതിനുമാണ് കേസെടുത്തിരിക്കുന്നത്.

ബിജെപിയെ എന്‍ഡി ടിവി നിരന്തരം വിമര്‍ശിക്കുന്നതിന്റെ പ്രതികാര നടപടികളാണ് ഇത് എന്ന് ആരോപിച്ച് നിരവധിപേര്‍ ഇതിനോടകം തന്നെ രംഗത്തെത്തിക്കഴിഞ്ഞു. കഴിഞ്ഞ ദിവസം കന്നുകാലി കശാപ്പ് നിയന്ത്രണവുമായി ബന്ധപ്പെട്ട് കേരളത്തില്‍ നടന്ന പ്രതിഷേധങ്ങലെക്കുറിച്ചുള്ള  ചര്‍ച്ചയില്‍ എന്‍ഡി ടിവി എന്‍ഡിടിവി എക്‌സിക്യൂട്ടീവ് എഡിറ്റര്‍ നിധി റസ്ദാന്‍ ബിജെപി വക്താവ് സാമ്പിത് പാത്രയെ പുറത്താക്കിയിരുന്നു. ബിജെപിയെ തുടക്കംമുതല്‍ ശക്തമായ ഭാഷയിലാണ് എന്‍ഡി ടിവി വിമര്‍ശിച്ചുകൊണ്ടിരുന്നത്.